„თბილისი პრაიდის“ დამფუძნებელი გიორგი თაბაგარი დღეიდან, თბილისში მაიდანის დაწყებას აანონსებს.
„დღეს თბილისი მაიდანი იწყება! ეს იქნება ყველაზე მასშტაბური ანტისამთავრობო დემონსტრაცია ბოლო 10 წლის განმავლობაში. იმედია, გარკვეულ ცვლილებებს გამოიწვევს. საქართველოს ხელისუფლებავ, შენი დრო ამოიწურა! აიღე პასუხისმგებლობა წარუმატებლობაზე და გადადექი“, – წერს თაბაგარი.
* უკრაინაში, 2014 წელს, მაიდანის სახელით ცნობილ მოვლენებს ათობით ადამიანის სიცოცხლე შეეწირა.
დღეს, საქართველოში, აქცია სახელწოდებით „შინ ევროპისკენ“ ერთდროულად, თბილისსა და რეგიონებში გაიმართება. დედაქალაქში სტარტს ის საღამოს, პარლამენტის შენობიდან აიღებს და მსვლელობით ევროპის მოედნისკენ გაგრძელდება, სადაც ღონისძიების დასკვნითი ნაწილი გაიმართება. აქცია „სირცხვილიასა“ და სამოქალაქო მოძრაობების ორგანიზებით იმართება.
