“ყველა მშობელმა იცოდა, თუ რა სახის ფოტოსესია იყო, რა მიზნით გამოიყენებოდა ეს ფოტოები და იცოდნენ, რომ მამაკაცი კლიენტებისთვის იყო გათვლილი”, _ განუცხადა არასრულწლოვანთა პორნოგრაფიის უკანონოდ დამზადება–გასაღებისა და ტრეფიკინგის საქმის პროკურორმა მარიამ გოგორელიანმა ჟურნალისტებს სასამართლო პროცესის შემდეგ.
“მოპოვებულია მტკიცებულებები, ეს არის მოწმეთა გამოკითხვის ოქმები, ასევე, ფარული საგამოძიებო მოქმედებები, აგრეთვე, კომპიუტერული სისტემიდან იქნა გამოთხოვილი მათი მიმოწერა სოციალურ ქსელში. ამ მიმოწერით დასტურდება, რომ ბრალდებულები თვითონ აქტიურობდნენ, ყოფილიყო ფოტოსესია; დასტურდება ასევე, ფულის აღების ფაქტი და ის, რომ იცოდნენ, რა სახის ფოტოსესია იყო”, _ განაცხადა საქმის პროკურორმა.
მისივე თქმით, ფოტოსესიები, სულ ცოტა, ერთი წლის განმავლობაში მიმდინარეობდა.
