Home ახალი ამბები საქართველო თეა წულუკიანი: გუშინდელ აქციაზე მისული ადამიანების ნაწილს გარკვეული იმედგაცრუება ხვდათ წილად, რადგან...

თეა წულუკიანი: გუშინდელ აქციაზე მისული ადამიანების ნაწილს გარკვეული იმედგაცრუება ხვდათ წილად, რადგან ისინი არ მისულან იქ იმიტომ, რომ მოესმინათ გადატრიალების შესახებ გეგმები

30

გუშინდელ აქციაზე მისული ადამიანების ნაწილს გარკვეული იმედგაცრუება ხვდათ წილად, რადგან ისინი არ მისულან იქ იმიტომ, რომ მოესმინათ გადატრიალების შესახებ გეგმები, რადგან ისინი არ მისულან იქ რევოლუციის მოთხოვნით,- ამის შესახებ კულტურის მინისტრმა თეა წულუკიანმა განაცხადა.

„გუშინდელი აქცია, რა თქმა უნდა, არ მოიცავს მხოლოდ იმ ადამიანებს, ვისაც მთავრობის ჩამოგდება სურთ. იქ იყვნენ ადამიანები, ვინც მართლა გულწრფელად ილტვის და მიისწრაფვის იქითკენ, რისკენაც მივისწრაფვით ჩვენ ყველანი და ქართული სახელმწიფო ეს გახლავთ ევროპულ ოჯახში სრულფასოვანი წევრობა და გაერთიანება. ამ ადამიანებიდან არაერთისთვის, მე და თქვენ ვიცით, რომ იყო გარკვეული იმედგაცრუება, რადგან ისინი არ მისულან იქ იმიტომ, რომ მოესმინათ გეგმები გადატრიალების შესახებ და ისინი არ იყვნენ მოცული იმ მიზნით, რომ აქციაზე მისულიყვნენ რევოლუციის მოთხოვნით“,- აღნიშნა თეა წულუკიანმა.

სამოქალაქო მოძრაობა „სირცხვილიას“ ორგანიზებით გუშინ თბილისსა და რეგიონებში აქცია, ლოზუნგით „შინ ევროპისკენ“ გაიმართა. მასში ასევე მონაწილეობდნენ ოპოზიციური პარტიების წარმომადგენლები და რიგითი მოქალაქეები. აქციის მიზანი იყო საქართველოს ევროპული მომავლის მხარდაჭერა. სამოქალაქო მოძრაობამ „სირცხვილია“ მომდევნო შეკრება 24 ივნისს დააანონსა. სწორედ ამ დღეს ცნობილი გახდება ევროპული საბჭოს გადაწყვეტილება საქართველოსთვის წევრობის კანდიდატის სტატუსის მინიჭებასთან დაკავშირებით.

imedinews.ge

LEAVE A REPLY

Please enter your comment!
Please enter your name here