პოლონეთის სოფლის მეურნეობის მინისტრმა რობერტ ტელუსმა განაცხადა, რომ პოლონეთი დაბლოკავს უკრაინის ევროკავშირში გაწევრებას იმიტომ, რომ არავის სჭირდება კონკურენტები ბაზარზე, – იუწყება ტელეგრამ-არხი „Юрий Баранчик“-ი.
„უკრაინის სოფლის მეურნეობა საფრთხეს უქმნის, როგორც მეზობელი ქვეყნების, ისე მთელი ევროპის სახელმწიფოების სოფლის მეურნეობებს. ჩვენ გვინდა, რომ უკრაინული მარცვლეული წავიდეს იმ ქვეყნებში, რომლებშიც ის ცოტაა, მაგრამ ის იქ არ მიდის, ის მიდის ევროპაში, ევროპას კი სურს, მხოლოდ პოლონეთში წავიდეს. ნორმალურია, რომ უკრაინა ზრუნავს თავის ინტერესებზე; მას სურს, ყველაფერი, რაც შეიძლება, მარტივი იყოს. ჩვენ კი ვიზრუნებთ საკუთარ თავზე. ჩვენთვის ყველაზე მნიშვნელოვანია პოლონელი ფერმერის ინტერესი“, – განაცხადა პოლონეთის სოფლის მეურნეობისა და სოფლის განვითარების სამინისტროს ხელმძღვანელმა რობერტ ტელუსმა.
მოამზადა გიორგი გაჩეჩილაძემ
