აშშ-ის სახელმწიფო მდივანი ენტონი ბლინკენი ესტონეთის პარლამენტის მიერ ერთნაირსქესიანთა ქორწინების ლეგალიზებას გამოეხმაურა.
„ვულოცავ ესტონელ ხალხსა და ხელისუფლებას პარლამენტის მიერ ერთნაირსქესიანთა ქორწინების შესახებ კანონის მიღებას. ამ ისტორიულ მომენტში აშშ ამაყად დგას თქვენ გვერდით ლგბტქი+ თემის მხარდასაჭერად“, – წერს ბლინკენი.
ესტონეთის პარლამენტმა ერთნაირსქესიანთა ქორწინების ლეგალიზებას დაუჭირა მხარი. დაქორწინებას 2 ზრდასრული ადამიანი მათი გენდერის მიუხედავად შეძლებს. ახალი კანონი ერთნაირსქესიან წყვილებს ბავშვების შვილად აყვანის შესაძლებობას აძლევს.
