Home ახალი ამბები საქართველო გიორგი ამილახვარი დევიდ კრამერზე: საზოგადოებას ვერ ავუხსნით იმას, რომ ვინმეს უყვარს საქართველო...

გიორგი ამილახვარი დევიდ კრამერზე: საზოგადოებას ვერ ავუხსნით იმას, რომ ვინმეს უყვარს საქართველო და მეორე მხრივ, ეს ადამიანი მოგვიწოდებს, რომ ბიძინა ივანიშვილს დაუწესდეს სანქციები. ასეთი შეფასება უბრალოდ არ შეიძლება

85

თუ ამ მოცემულობას ვიღებთ, რომ დევით კრამერს უყვარს საქართველო და ის თავს ესხმის და პირდაპირ მოუწოდებს ყველას, რომ ბიძინა ივანიშვილი უნდა დასანქცირდეს, ასეთი ტოლობის ნიშნის დასმა, უბრალოდ, არ შეიძლება, – ამის შესახებ უმრავლესობის წევრმა გიორგი ამილახვარმა ტელეკომპანია იმედის ეთერში განაცხადა.

როგორც ამილახვარმა აღნიშნა, თუ ადამიანს უყვარს საქართველო და ის, მეორე მხრივ, ბიძინა ივანიშვილის სანქცირებისკენ მოუწოდებს საერთაშორისო თანამეგობრობას, ამის გაგება ქართველი ხალხისთვის გაუგებარი იქნება.

„ეს უხერხულია. ამას საზოგადოებას ვერ ავუხსნით ჩვენ, რომ ვინმეს უყვარს საქართველო და მეორე მხრივ, ეს ადამიანი მოგვიწოდებს ჩვენ და საერთაშორისო თანამეგობრობას, რომ ბიძინა ივანიშვილს დაუწესდეს სანქციები. იმ ადამიანს, რომელიც სრულად ჩამოშორებულია პოლიტიკას, არანაირი ბიზნეს საქმიანობა არ გააჩნია საქართველოში, უფრო მეტიც საზოგადოებრივი ცხოვრების ჩრდილშიც კი არის გადასული. საერთოდ, არანაირი მტკიცებულება არ არსებობს და მაინც მიზანმიმართულად მიდის მორიგი იერიში, რომ როგორმე ჩირქი მოსცხონ ამ ადამიანს და საერთოდ საქართველოს. ასეთი რამ, ასეთი შეფასება, უბრალოდ არ შეიძლება – ჩვენ ქართველ ხალხს ვაკადროთ, რომ ადამიანს უყვარდეს საქართველო და ის, მეორე მხრივ, მოუწოდებდეს ბიძინა ივანიშვილის სანქციებისკენ, ეს უბრალოდ უხერხულია. მეტ კომენტარს ალბათ ამაზე ვერც გავაკეთებთ,’’ – განაცხადა ამილახვარმა.

ჯორჯ ბუშის საპრეზიდენტო ცენტრის აღმასრულებელი დირექტორი დევიდ კრამერი ბიძინა ივანიშვილსა და „ქართული ოცნების“ წევრებზე სანქციების დაწესებას ითხოვს. „მე არ მინდა, კომენტარი გავაკეთო მის კომენტარებზე, თუმცა ვიტყვი, რომ ეს არის ადამიანი, რომელიც ნამდვილად ზრუნავს და აინტერესებს საქართველოს წარმატება“, – განაცხადა აშშ-ს ელჩმა კელი დეგნანმა ამ საკითხზე საუბრისას.

https://imedinews.ge/

LEAVE A REPLY

Please enter your comment!
Please enter your name here