სალვადორის ექსპრეზიდენტი და მისი მთავრობის 6 ყოფილი წევრი დააპატიმრეს. ელიას ანტონიო საკასა და მის თანაგუნდელებს ბრალად ედებათ ფულის გათეთრება და მილიონობით დოლარის მითვისება. წარსულში ცნობილი ჟურნალისტი, ამჟამად 51 წლის საკა პრეზიდენტის პოსტს 2004-2009 წლებში იკავებდა.
სალვადორში ეს ყოფილი პრეზიდენტების გასამართლების პირველი შემთხვევა არ არის. ანალოგიური ბრალდება იანვარში ექსპრეზიდენტ მარისიო ფუნესსაც წაუყენეს, კორუფციაში ბრალდებული კიდევ ერთი ყოფილი პრეზიდენტი ფრანცისო ფლორესი კი სასამართლო პროცესის დაწყებამდე ორი კვირით ადრე გარდაიცვალა.
