აშშ–ს ლათინური ამერიკა ხელიდან ეცლება
ბოლივიის საპრეზიდენტო არჩევნებში ლათინურ ამერიკაში აშშ-ის პოლიტიკის მოწინააღმდეგე ევო მორალესი ლიდერობს, თუმცა ამ ეტაპზე პირველ ტურში გამარჯვებისთვის საჭირო ხმათა რაოდენობა არ აქვს.
ბიულეტენების 95 პროცენტის დათვლის შემდეგ გავრცელებული მონაცემების მიხედვით, მორალესმა ამომრჩეველთა ხმების 45 პროცენტი მიიღო, მისმა მთავარმა ოპონენტმა, ექსპრეზიდენტმა კარლოს მესამ კი _ 38,16 პროცენტი.
ბოლივიის კონსტიტუციის მიხედვით, პირველ ტურში გამარჯვებისთვის კანდიდატმა ამომრჩეველთა ხმების 50 პროცენტზე მეტი უნდა მიიღოს. ბოლივიაში არჩევნების მეორე ტური, სავარაუდოდ, 15 დეკემბერს ჩატარდება. ევო მორალესი 2006 წლიდან მართავს ბოლივიას. თუ ის კიდევ ერთი ვადით გაიმარჯვებს, თანამდებობაზე 2025 წლამდე დარჩება.
