რუსეთი გეგმავს უვიზო რეჟიმის შემოღებას 11 ქვეყანასთან და ვიზების გაცემის გამარტივებულ პროცედურას კიდევ ექვსთან, – ამის შესახებ რუსეთის საგარეო საქმეთა მინისტრმა სერგეი ლავროვმა რუსეთის ფედერაციის სახელმწიფო სათათბიროში მთავრობის საათზე განაცხადა.
მისივე თქმით, უკვე დაგეგმილია 11 ქვეყანასთან სრულიად უვიზო მიმოსვლის გაფორმება, კიდევ ექვსთან, მათ შორის ინდონეზიასთან და ინდოეთთან, იქნება ვიზების გაცემის გამარტივებული პროცედურა, – იუწყება TASS.
ლავროვმა ასევე დასძინა, რომ მიმდინარეობს 70 ქვეყანაში ელექტრონული ვიზების გაცემაზე შეზღუდვების მოხსნა, გარდა არამეგობრული ქვეყნებისა.
მანამდე, რუსეთის პრეზიდენტმა ვლადიმერ პუტინმა, რუსეთის სახელმწიფო საბჭოს პრეზიდიუმის სხდომის შემდეგ, მთავრობას დაავალა მოემზადებინა წინადადებები უცხო ქვეყნის მოქალაქეებისთვის უვიზო რეჟიმის დაწესების შესახებ, ნაცვალგების პრინციპის დაცვის გარეშე.