იტალიაში აშშ-ის საელჩომ გამოაცხადა კონკურსი კულტურული ურთიერთქმედების ინიციატივების განსავითარებლად, რაც ხელს შეუწყობს ქვეყნებს შორის ორმხრივ თანამშრომლობას. პროექტები, სხვა საკითხებთან ერთად, უნდა დაეხმაროს იტალიელებს წინააღმდეგობა გაუწიონ რუსეთიდან და ჩინეთიდან მომდინარე „დეზინფორმაციას“. ტენდერის აღწერას RT გაეცნო.
იტალიაში აშშ-ის დიპლომატიურმა წარმომადგენლობამ გამოაცხადა კონკურსი ისეთი პროგრამების კონცეფციებზე, რომლებიც ხელს შეუწყობს ორ ქვეყანას შორის კავშირების განმტკიცებას. ამავდროულად, ყველა წინადადება უნდა შეიცავდეს “ამერიკული კულტურის ელემენტების მნიშვნელოვან რაოდენობას” და ხელი შეუწყოს “აშშ-ის პოლიტიკისა და შეხედულებების გაგებას” იტალიელებსა თუ იტალიის მაცხოვრებლებში.
როგორც აღწერიდან ირკვევა, პროგრამების ერთ-ერთი პრიორიტეტული მიმართულება “დეზინფორმაციის” წინააღმდეგ ბრძოლაა.
„წინადადებებმა ამ სფეროში უნდა აამაღლოს მიზნობრივი აუდიტორიის ცნობიერება რუსეთიდან და ჩინეთის სახალხო რესპუბლიკიდან მომდინარე დეზინფორმაციასთან დაკავშირებით და გააძლიეროს უნარი დაუპირისპირდეს მას, ან დაეხმაროს დეზინფორმაციასთან ბრძოლაში, რაც ძირს უთხრის დემოკრატიის უზენაესობის რწმენას”, – ნათქვამია დოკუმენტში.
ამავდროულად, ამერიკელი ექსპერტები მიესალმებიან წინადადებებს ჟურნალისტებში დეზინფორმაციის თაობაზე ცნობიერების ასამაღლებლად.
თითოეული ინიციატივისთვის სახელმწიფო დეპარტამენტი გეგმავს გამოყოს $10,000-დან $50,000-მდე.
მანამდე, აშშ-ის საერთაშორისო განვითარების სააგენტო (USAID) აპირებდა 2 მილიონი დოლარის გამოყოფას სერბეთში „არჩევნების სამართლიანობის დონის ასამაღლებლად“.
