17 იანვარს 75 წელი შესრულდა პოლონეთის დედაქალაქ ვარშავის ფაშისტი დამპყრობლებისგან გათავისუფლებიდან. ამ საიუბილეო თარიღის აღსანიშნავად რუსეთის თავდაცვის სამინისტრომ თავისი არქივიდან დოკუმენტები გამოამზეურა. სამხედრო უწყებამ თავის ვებგვერდზე შექმნა ახალი ისტორიული განყოფილება, რომელშიც გამოქვეყნდა უნიკალური დოკუმენტები. ეს დოკუმენტები ასახავს პერიპეტიას ვარშავის აჯანყებისა, რომელიც მოხდა 1944 წელს. აგრეთვე, გამოქვეყნებულია კადრები ბელორუსიის 1-ელი ფრონტის ოპერატიული სამმართველოს ალბომიდან. მათზე აღბეჭდილია დაცვის გარღვევა, შტურმისა და საარტილერიო მომზადების შედეგები. ვებგვერდის ახალ განყოფილებაში გამოქვეყნებულია ფაშისტების მიერ პოლონეთში ჩადენილი დანაშაულებისა და წითელი არმიის ზურგში 1944-1945 წლებში საბჭოთა კავშირის ტერიტორიაზე “არმია კრაიოვას” ტერორისტული საქმიანობის შესახებ დოკუმენტები.
რფ-ის თავდაცვის სამინისტროში განაცხადეს, რომ ეს დოკუმენტები გამოაქვეყნეს ისტორიული სიმართლის შესანარჩუნებლად და ფალსიფიკაციასთან საბრძოლველად. ამ დღის აღსანიშნავად მოსკოვში, გამარჯვების პარკში, დააქუხეს გამარჯვების სალუტი და გაუშვეს ფოიერვერკი.
