ევროკავშირის გაკრიტიკებისას პოლონეთის მმართველი კონსერვატიული პარტია “სამართალი და სამართლიანობის” თავმჯდომარემ, ვიცეპრემიერმა იაროსლავ კაჩინსკიმ გაიხსენა, რომ, “როცა ვარშავა მოსკოვს ემორჩილებოდა, პოლონელებს მეტი უფლებები ჰქონდათ”.
პოლონეთის ვიცეპრემიერმა და მმართველი პარტია “სამართალი და სამართლიანობის” ლიდერმა იაროსლავ კაჩინსკიმ Gazeta Polska-სთვის მიცემულ ინტერვიუში განაცხადა, რომ ვარშავა ვეტოს გამოიყენებს ევროკავშირის 2021-2024 წლების ბიუჯეტისა და რეკონსტრუქციის ფონდის წინააღმდეგ, თუკი გაგრძელდება მუქარა და შანტაჟი ბრიუსელის მხრიდან, რომელიც თავს ესხმის “ჩვენს იდენტობას, თავისუფლებას, ჩვენს სუვერენიტეტს, ჩვენ არ დაუშვებთ, დაგვატერორონ ფულით!” _ კაჩინსკის ეს განცხადება გაისმა იმ ფონზე, როცა პოლონეთს ევროკავშირის ბიუჯეტიდან და რეკონსტრუქციის ფონდიდან, საერთო ჯამში, 125 მლრდ ევრო უნდა გადაურიცხონ.
ზოგიერთი მიიჩნევს, რომ კაჩინსკიმ მიმართა მმართველი პარტიის ყველაზე რადიკალურად განწყობილ ფრთას, სხვები კი ხედავენ კავშირს ბლეფსა და რეალურ მუქარას შორის.
ინტერვიუში პოლონეთის მმართველი პარტიის ხელმძღვანელმა გააკეთა შედარება, რომელმაც ძალიან გააღიზიანა ევროკავშირი. კაჩინსკის განცხადებით, სურთ, პოლონელებს წაართვან “კულტურული სუვერენიტეტიც” კი. მან გაიხსენა, რომ “პოლონეთის სახალხო რესპუბლიკაში, როდესაც ვარშავა ემორჩილებოდა მოსკოვს, პოლონელებს უფრო მეტის უფლება ჰქონდათ. მიუხედავად იმისა, რომ სსრკ–ის ხელმძღვანელობა არ აღიარებდა ფერმერებსა და კათოლიკურ ეკლესიას, ისინი პოლონეთში არსებობდნენ. დღეს კი ევროკავშირის ინსტიტუტები, მისი მაღალჩინოსნები, ვიღაც პოლიტიკოსები, რომლებიც პოლონელებს არ აურჩევიათ, ჩვენი კულტურის ვერიფიკაციას მოითხოვენ და უარყოფენ ყველაფერს, რაც ჩვენთვის მნიშვნელოვანია”.
Iarex.ru–ზე გამოქვეყნებული მასალის მიხედვით მოამზადა ლუკა მაისურაძემ
რაც მოგივა დავითაო ყველა შენი თავითაო.თუმცა ჩვენც მგრე არ დაგვემართაა.