შსს–ს მიერ გამოქვეყნებული სტატისტიკური მონაცემებით, ბოლო 3 თვეში საქართველოს 146 მოქალაქეს უარი უთხრეს ევროკავშირის წევრ ქვეყნებში შესვლაზე. ევროკავშირის წევრი სახელმწიფოების საზღვრის გადაკვეთის უფლება საქართველოს აღნიშნულ მოქალაქეებს 28 მარტიდან 2 ივლისის ჩათვლით არ მიეცათ.
შსს-ში არ აკონკრეტებენ, რამდენმა ადამიანმა ისარგებლა ევროკავშირთან უვიზო რეჟიმით და რამდენი ადამიანი დაბრუნდა ქვეყანაში 90-დღიანი წესების დაცვით.
საქართველო შენგენის ზონის ქვეყნებთან უვიზო რეჟიმით 2017 წლის 28 მარტიდან სარგებლობს. საქართველოს მოქალაქეებს ევროკავშირის წევრ 27 სახელმწიფოსა და რამდენიმე არაწევრ ქვეყანაში შესვლა და იქ 90 დღით ყოფნა ვიზის გარეშე შეუძლიათ.
