ევროპა რუსეთისთვის სანქციების დაწესებით “ენერგეტიკული თვითმკვლელობის” წინაშეა, რომელსაც შორსმიმავალი შედეგები ექნება, _ განაცხადა “როსნეფტის” ხელმძღვანელმა იგორ სეჩინმა პეტერბურგის საერთაშორისო ეკონომიკურ ფორუმზე გამოსვლისას.
“ჩვენ უკვე ვხედავთ ევროპის ეკონომიკური პოტენციალის დაქვეითებას, კონკურენტუნარიანობის დაკარგვასა და ინვესტორების ზარალს”, _ განაცხადა იგორ სეჩინმა. მისი თქმით, “ევროპას თავს მოახვიეს ანტირუსული სანქციები. შედეგად მან დაკარგა შანსი, ყოფილიყო არა მხოლოდ პოლიტიკური, არამედ კონკურენტუნარიანი ეკონომიკური პოლუსი, აშშ-ის ალტერნატივა”.
ევროპის კონკურენტუნარიანობა მას შემდეგ დაეცა, რაც ყველაზე ძვირად ღირებული ენერგიის მქონე რეგიონად იქცა მსოფლიოში.
გიორგი გაჩეჩილაძე