ოპოზიციონერი ხუან გუაიდო, რომელმაც თავი ვენესუელას პრეზიდენტად 2019 წელს გამოაცხადა, კოლუმბიიდან გააძევეს. ამის შესახებ თავად გუაიდომ Twitter-ის საკუთარ გვერდზე განაცხადა.
“მე გამომაძევეს კოლუმბიიდან. დიქტატორული რეჟიმის დევნა დღეს, სამწუხაროდ, კოლუმბიაშიც გავრცელდა… მე კომერციული რეისით მივფრინავ შეერთებულ შტატებში ჩემი ოჯახის, ჩემი ქალიშვილების მიმართ მუქარის გამო”, – ამბობს პოლიტიკოსი სოციალურ ქსელში გამოქვეყნებულ ვიდეოში. ამავე დროს, გუაიდომ დასძინა, რომ ის არ შეწყვეტს ბრძოლას ვენესუელის ხელისუფლების წინააღმდეგ ნიკოლას მადუროს მეთაურობით.
