კიევ-პეჩერსკის ლავრის ირგვლივ შექმნილი ვითარება კიევის პოლიტიკის კონფესიურ მხარეს აშშ-ის გავლენის გაუკუღმართებული მექანიზმის მუშაობის შედეგია, – განაცხადა რუსეთის საგარეო საქმეთა სამინისტრომ.
რუსეთის საგარეო საქმეთა სამინისტრომ Telegram-ზე განაცხადა, რომ უკრაინაში დაიწყო კიევის რეჟიმისა და მის მიერ კონტროლირებადი „უკრაინის მართლმადიდებელი ეკლესიის“ კამპანიის „გადამწყვეტი ეტაპი“ ლავრის ხელში ჩაგდების მიზნით. აღნიშნულია, რომ ადრე ლავრის აღების მცდელობები განხორციელდა „ნეონაცისტი აქტივისტების“ მონაწილეობით. უკრაინის ხელისუფლება ღებულობს არალეგიტიმურ გადაწყვეტილებებს, რომელთა მიზანია ლავრის ხელში ჩაგდება.
„სასულიერო პირებს გააგებინეს, რომ უთანხმოების შემთხვევაში მათ მიმართ მკაცრი ზომები გატარდებოდა, რომელთაგან ერთ-ერთი – მონასტრის წინამძღვრის, მიტროპოლიტ პაველის დაპატიმრება – უკვე განხორციელდა“, – ნათქვამია განცხადებაში.
ხაზგასმულია, რომ უკრაინის ხელისუფლებამ ლავრაზე შეტევა დიდმარხვის პერიოდში გადაწყვიტა. ასევე ხაზგასმულია, რომ ლავრის დამცველებმა თავი „ნამდვილი აღმსარებლებივით“ გამოიჩინეს. კერძოდ, რუსეთის საგარეო საქმეთა სამინისტრო მიუთითებს მონასტრის საგუნდო მომღერალ ეკატერინა იერშოვაზე, რომლის გარშემოც „კიევის რეჟიმის მიერ კონტროლირებადი ნეონაცისტები მძვინვარებდნენ“.
რუსეთის საგარეო საქმეთა სამინისტრომ აღნიშნა, რომ საეკლესიო და საერო ხელისუფლებამ სხვადასხვა დონეზე მოუწოდა მსოფლიო ეკლესიასა და საერთაშორისო საზოგადოებებს, რეაგირება მოახდინონ უკრაინაში შექმნილ ვითარებაზე. უწყების განცხადებით, „გადამწყვეტი რეაქციის არარსებობა მრავლისმეტყველია“. რუსეთის საგარეო საქმეთა სამინისტრომ უკრაინის ხელისუფლება დაადანაშაულა რელიგიური პოლიტიკის „ნეონაცისტური პრაქტიკის წასახალისებლად“ გამოყენებაში. კიევმა მხარი დაუჭირა „ეკლესიების განხეთქილებას ყოველი მართლმადიდებელი მორწმუნის საკრალურ ცხოვრებაში ჩარევით“, – ნათქვამია განცხადებაში.
როგორც რუსეთის უწყებაში განაცხადეს, უკრაინაში „იტანჯებიან არა მხოლოდ მართლმადიდებლები“. კერძოდ, „უკრაინის შედარებით მცირე მუსლიმური თემის წარმომადგენლები აცხადებენ ისლამოფობიის გამოვლინებების“ შესახებ, ხოლო „იუდოფობიას და ანტისემიტიზმს“ ხელს არ უშლის უკრაინის პრეზიდენტის ვოლოდიმირ ზელენსკის „ებრაული წარმომავლობა“, „რასაც ასე ხშირად აპელირებს კიევის ბევრი დამცველი“.
რუსეთის საგარეო საქმეთა სამინისტრომ განაცხადა, რომ „ზელენსკის რეჟიმი არ არის დამოუკიდებელი თავის ანტიეკლესიურ პოლიტიკაში“ და მართლმადიდებლობის გაყოფა არის მიზანი, რომელიც „დიდი ხანია გაცხადდა ვაშინგტონში“, რაც ქმნის „კიევის პოლიტიკის კონფესიური მხარის პირდაპირი და არაპირდაპირი გავლენის გაუკუღმართებულ მექანიზმს“. სამინისტროს განცხადებით, უკრაინაში არსებული „უკანონოობა“ „ადამიანის ხელითაა“ შექმნილი.
მოსკოვს მიაჩნია, რომ „ვაშინგტონის მიერ დასმულ და საკუთარი თავის ებრაელად და რელიგიური თავისუფლების დამცველად წარმომჩენს“, ზელენსკის „ესმის მისი დამოკიდებულება შეერთებულ შტატებზე“ და „აწარმოებს ანტიმართლმადიდებლურ პოლიტიკას ამერიკელების ბრძანებით“, რომელიც მიზნად ისახავს რუსეთთან ბრძოლას. ლავრის ირგვლივ ვითარება, შექმნილი კიევის ამჟამინდელი ხელისუფლების მიერ, „არალეგიტიმურია იურიდიულად და ამორალურია სულიერი თვალსაზრისით“, რაც „კიდევ უფრო თვალსაჩინოა რეჟიმის მიერ გადადგმული ბევრი სხვა ნაბიჯით“, რეჟიმის, რომელსაც არ სურს გაითვალისწინოს უკრაინის მოქალაქეების გრძნობები და უფლებები, – განაცხადა რუსეთის საგარეო საქმეთა სამინისტრომ.
შეგახსენებთ, რომ უკრაინის ხელისუფლება პირდაპირ დაჰპირდა „ფიზიკურ წმენდას“ მართლმადიდებელ სამღვდელოებას, რომელიც ადრე მოსკოვის საპატრიარქოს ეკუთვნოდა. ქვეყნის პრეზიდენტის ოფისის ხელმძღვანელის მრჩეველმა მიხაილ პოდოლიაკმა ეკლესიას „დაჩირქებული“ უწოდა, რომელიც „ქირურგიულად უნდა იყოს მოკვეთილი“.
