ჩრდილოატლანტიკურ ალიანსში იცოდნენ რუსეთის სამხედრო აეროდრომებზე უკრაინის შეიარაღებული ძალების მიერ თავდასხმების მომზადების შესახებ. ამის თაობაზე განაცხადა რუსეთის ფედერაციის დელეგაციის ხელმძღვანელმა კონსტანტინე გავრილოვმა სამხედრო უსაფრთხოებისა და შეიარაღების კონტროლის საკითხებთან დაკავშირებით ვენაში გამართულ მოლაპარაკებებზე.
ხუთშაბათს რუსეთის საგარეო საქმეთა სამინისტრომ თავის ვებგვერდზე გამოაქვეყნა გავრილოვის გამოსვლის ტექსტი, წარმოთქმული ეუთოს უსაფრთხოების თანამშრომლობის ფორუმის შეხვედრაზე, რომელიც 7 დეკემბერს გაიმართა.
მასში მან ხაზგასმით აღნიშნა, რომ კიევის თავდასხმებს რუსეთის აეროდრომებზე შეეძლოთ სერიოზული რისკები შეექმნათ ბირთვული უსაფრთხოებისთვის.
დიპლომატმა შეახსენა, რომ თავდასხმა განხორციელდა Ту-141 “Стриж”-ის რეაქტიული თავდასხმის უპილოტო საფრენი აპარატების გამოყენებით. მან აღნიშნა, რომ მიმდინარე წელს ეს დრონები მოდერნიზებულ იქნა ამერიკული კორპორაციის Raytheon Technologies-ისა და უკრაინის Luch Design Bureau-ს სპეციალისტების მონაწილეობით.
შედეგად, უპილოტო საფრენი აპარატი გადაიქცა დამრტყმელ იარაღად, რომლის დიაპაზონი ათას კილომეტრამდეა და შეუძლია სამიზნეზე დამიზნება ამერიკული გლობალური სატელიტური სისტემა GPS-ის გამოყენებით, – დასძინა გავრილოვმა.
„სხვა სიტყვებით რომ ვთქვათ, ნატო-ში იცოდნენ რუსეთის სამხედრო აეროდრომებზე უკრაინის მიერ ბოლო თავდასხმებისთვის მზადების შესახებ“, – თქვა მან.
