ევრაზიის ეკონომიკური კომისიის ენერგეტიკისა და ინფრასტრუქტურის მინისტრმა არზიბეკ კოჟოშევმა განაცხადა, რომ ევრაზიის ეკონომიკური კავშირის ქვეყნების უმეტესობა დათანხმდა გაზის რურულ ვალუტაში გადახდაზე გადასვლას, – იუწყება რია ნოვოსტი.
„ამას ეთანხმებიან რუსეთის ფედერაცია, ბელარუსი, სომხეთი და ყირგიზეთი. ყაზახეთი ამჟამად ამ მიმართულებით ფიქრობს, მათ ასევე სურთ ეროვნული ვალუტებით ვაჭრობა“, – განაცხადა მან.
ევრაზიის ეკონომიკური კომისიის ენერგეტიკის მინისტრმა გამოთქვა მოსაზრება, რომ რუბლი გამყარდება იმის გამო, რომ ეროვნული ვალუტით ორმხრივი ანგარიშსწორებები ყველა მიმართულებით გაძლიერდება იმ სახელმწიფოებთან, რომლებსაც ნედლეული მიეწოდება რუსეთის ფედერაციიდან.
აღნიშნულია, რომ განცხადება გაკეთდა რუსეთის ენერგეტიკის კვირეულის ფარგლებში, რომელიც მოსკოვში იმართება.
მანამდე, რუსეთის ფედერაციის ვიცე-პრემიერმა ალექსანდრე ნოვაკმა განაცხადა, რომ რუსეთის ფედერაციის გარდა, არ შეიძლება იყოს გაზის სხვა მიმწოდებელი Nord Stream-ით, Turkish Stream-ით და Yamal Europe-ით.
თურქეთის პრეზიდენტმა რეჯეფ თაიფ ერდოღანმა განაცხადა, რომ მის ქვეყანას მომავალი ზამთრის პერიოდში რუსეთიდან გაზის მიწოდებასთან დაკავშირებით პრობლემები არ შეექმნება.
