„სოტბის“ აუქციონზე ნიკო ფიროსმანისა და ლადო გუდიაშვილის ნახატები გაიყიდა

ფიროსმანის ტილო “შველი წყლის პირას” ბიძინა ივანიშვილმა შეიძინა

ლონდონის „სოტბის“ აუქციონზე ნიკო ფიროსმანის ნახატი „შველი წყლის პირას“ 629 000 გირვანქა სტერლინგად, ლადო გუდიაშვილის „ჩვენი ნიკო“ (ნიკო ფიროსმანის პორტრეტი) კი _ 75 000 გირვანქა სტერლინგად გაიყიდა. 

ნიკო ფიროსმანის ტილო “შველი წყლის პირას” ბიძინა ივანიშვილმა შეიძინა. აღსანიშნავია, რომ ქართველი მხატვრების ნამუშევრები „სოტბის“ აუქციონზე რუსული ხელოვნების ნიმუშების სექციაში იყო წარმოდგენილი.