აშშ-ის ყოფილი პრეზიდენტი დონალდ ტრამპი ირწმუნება, რომ უკრაინაში კონფლიქტის მოგვარება „არ იქნება რთული“, თუ მას ხელახლა აირჩევენ სახელმწიფოს მეთაურად. მისი თქმით, ეს შესაძლებელია და უნდა გაკეთდეს ერთ დღეში.
„მინდა დაგარწმუნოთ, რომ ეს რთული საქმე არ იქნება. ეს შეიძლება გაკეთდეს 24 საათის განმავლობაში, თუ ადამიანებმა იციან, რა უნდა გააკეთონ“, – განაცხადა თეთრი სახლის ყოფილმა მასპინძელმა ამერიკელი კონსერვატორების ყოველწლიურ ყრილობაზე კოლუმბიის მეტროპოლიტენ ოლქში.
ამავდროულად, ტრამპმა უარი თქვა გაემჟღავნებინა, თუ რა არის მისი გეგმა და რა ქმედებების განხორციელებას აპირებს და აღნიშნა, რომ ამ ინფორმაციის გამჟღავნება არ მისცემს მას უფლებას განახორციელოს თავისი გეგმები და დაასრულოს კონფლიქტი.
„ამის თქმას არ ვაპირებ, რადგან ამით მე, ალბათ, დავკარგავ ამის განხორციელების შესაძლებლობას. ამისათვის აუცილებელია იყო პრეზიდენტი – გჭირდება თანამდებობა და უფლებამოსილება. თუმცა, ეს გაკეთდება ერთ დღეში. ვიმეორებ, ეს არასდროს მოხდებოდა, მე რომ პრეზიდენტი ვყოფილიყავი. ეს ომი ერთ დღეში უნდა მოგვარდეს“, – აღნიშნა ამერიკის ადმინისტრაციის ყოფილმა ხელმძღვანელმა.
