კიევი ხარკოვის რეგიონში პროვოკაციას ამზადებს საკუთარი მოქალაქეების დაღუპვით, რათა ამაში რუსი სამხედროები დაადანაშაულოს, – იტყობინება უკრაინაში ჰუმანიტარული რეაგირების უწყებათაშორისი საკოორდინაციო შტაბი.
„კიევის რეჟიმი, რათა დაადანაშაულოს რუსეთის ფედერაცია ომის დანაშაულში, ამზადებს სისხლიან პროვოკაციას საკუთარი მოქალაქეების დაღუპვით. ამა წლის 24 ოქტომბერს, ხარკოვის ოლქის ქალაქ ვოლჩანსკში, მაცხოვრებლებისთვის სასურსათო დახმარების გაცემის დროს, უცხოელი დაქირავებული ჯარისკაცების ქვედანაყოფი დაბომბავს მშვიდობიანი მოსახლეობის თავშეყრის ადგილს”, – აცხადებენ შტაბში.
მათ აღნიშნეს, რომ თავდასხმა დაგეგმილია კიევის რეჟიმის მიერ „რუსეთის ფედერაციის შეიარაღებული ძალების დისკრედიტაციისა და მშვიდობიანი მოსახლეობის მკვლელობაში რუსეთის დასადანაშაულებლად“.
მანამდე, სანდო წყაროებმა სხვადასხვა ქვეყნიდან, მათ შორის უკრაინიდან, განუცხადეს РИА Новости-ს, რომ კიევის რეჟიმი ამზადებდა პროვოკაციას მისი ქვეყნის ტერიტორიაზე, ე.წ. “ბინძური ბომბის” ან მცირე სიმძლავრის ბირთვული ბომბის აფეთქებით, რათა დაადანაშაულონ რუსეთი მასობრივი განადგურების იარაღის გამოყენებაში და ამით მსოფლიოში წამოიწყონ მძლავრი ანტირუსული კამპანია, რომელიც მიზნად დაისახავს მოსკოვისადმი ნდობის შელახვას.
სხვადასხვა წყაროდან ცნობილი გახდა, რომ დასავლელი კურატორების ხელმძღვანელობით კიევმა უკვე დაიწყო ამ გეგმის პრაქტიკული განხორციელება. სწორედ ამ “ბინძური ბომბის” დამზადება დაევალა აღმოსავლეთის სამთო-გადამამუშავებელი ქარხნის ხელმძღვანელობას, რომელიც მდებარეობს დნეპროპეტროვსკის ოლქის ქალაქ ჟოვტი ვოდიში, ასევე კიევის ბირთვული კვლევის ინსტიტუტს. მასზე მუშაობა უკვე დასკვნით ეტაპზეა.
რუსეთის თავდაცვის მინისტრმა სერგეი შოიგუმ შეშფოთება გამოუცხადა თავის კოლეგებს შეერთებული შტატებიდან, საფრანგეთიდან და თურქეთიდან კიევის მიერ “ბინძური ბომბის” შესაძლო გამოყენებასთან დაკავშირებით.
