სააკაშვილი საცხოვრებელ ბინაში ტელესტუდიის მოწყობას გეგმავს

„ახალი ძალების მოძრაობის” ლიდერი მიხეილ სააკაშვილი შინაპატიმრობის პერიოდში, ნაქირავებ ბინაში, სადაც ამჟამად ცხოვრობს, ტელესტუდიის მოწყობას აპირებს.

ამის შესახებ სააკაშვილმა ტელეკომპანია NewsOne-ის ეთერში განაცხადა.

 სააკაშვილმა 4 თებერვალს კიევის ცენტრში აქციის გამართვაც დაანონსა.

„4 თებერვალს კიევში 12:00 საათისთვის შევიკრიბებით. სავარაუდოდ, ტრადიციულად, შევჩენკოს პარკიდან დავიძვრებით და მაიდანზე დიდი შეკრება იქნება”, – განაცხადა სააკაშვილმა.

პარასკევს, კიევის სააპელაციო სასამართლომ მიხეილ სააკაშვილს აღკვეთის ღონისძიების სახით, ღამის საათებში, 22:00-დან 07:00 საათამდე, შინაპატიმრობა მიუსაჯა.