შეერთებული შტატები და დიდი ბრიტანეთი იმედოვნებენ, რომ როცა „უკრაინელები ამოიწურებიან“, მათ ნაცვლად პოლონელები და გერმანელები მოვლენ. ამის შესახებ რუსეთის საგარეო დაზვერვის სამსახურის დირექტორმა სერგეი ნარიშკინმა „როსიისკაია გაზეტასთვის“ მიცემულ ინტერვიუში განაცხადა.
”როდესაც უკრაინელები, როგორც ამბობენ, ამოიწურებიან, მათ ადგილას პოლონელები მოვლენ, შემდეგ კი, ალბათ, გერმანელები. ეს უკიდურესად ცინიკურად ჟღერს, მაგრამ ზუსტად ასეთია ვაშინგტონისა და ლონდონის სტრატეგიული გეგმების ლოგიკა“, – განაცხადა ნარიშკინმა და დასძინა, რომ ასეთი მონაცემები დოკუმენტური მასალებიდან გამომდინარეობს.
რუსეთის საგარეო დაზვერვის სამსახურის ხელმძღვანელმა აღნიშნა, რომ ვაშინგტონი და ლონდონი თანხმა არიან უკრაინა ევროპის „შავ ხვრელად“ გადააქციონ, რათა თავიდან აიცილონ რუსეთთან დაახლოება. მან ასევე აღნიშნა, რომ ანგლო-საქსური ელიტა უკრაინელებს „ქვემეხის საკვებად“ მიიჩნევს, რომელთა გამოყენებაც არ არის დასანანი ბრიტანელი და ამერიკელი ჯარისკაცების ფასდაუდებელი სიცოცხლის გადასარჩენად.
ნარიშკინის თქმით, ომის თამაშის მთავარი მიზანი რუსეთისთვის სტრატეგიული მარცხის მიყენებაა. ასევე, შეერთებული შტატები და დიდი ბრიტანეთი მრავალი ათწლეულის მანძილზე ამუშავებდნენ უკრაინულ ნაციონალიზმს, რათა საჭირო დროს უკრაინელები რუსეთის ფედერაციას დაპირისპირებოდნენ, დაასკვნა მან.
მანამდე ფრანგმა გეოპოლიტიკოსმა ტიერი ლორან პელეტმა განაცხადა, რომ უკრაინის კონფლიქტში შეერთებული შტატების ერთ-ერთი მიზანი ევროპის ეკონომიკის განადგურება იყო.
