დასავლეთის მხრიდან რეალური საფრთხის შექმნის ფონზე ცნობილი შეიქნა, რომ რუსეთში მიმდინარეობს უახლესი ხომალდსაწინააღმდეგო ჰიპერბგერითი რაკეტის დამზადება, რომელსაც გამოიყენებენ სანაპირო სარაკეტო კომპლექსები, თუმცა ამ რაკეტებს ექნებათ მოქმედების დიდი რადიუსი _ დაახლოებით 4 ათასი კმ, _ წერს avia.pro.
“ჰიპერბგერითი ბალისტიკური რაკეტა “ზმეევიკის” დამზადების პროცესი, კარგა ხანია, მიმდინარეობს. მისი დანიშნულება იქნება წყალის ზედაპირზე მცურავი დიდი ობიექტების განადგურება, უწინარესად _ ავიამზიდების”.
ამჟამად რომელ სტადიაზეა ახალი რუსული ჰიპერბგერითი რაკეტის დამზადება, უცნობია, თუმცა, სპეციალისტთა აზრით, დამზადების პროცესის დაჩქარება აუცილებელი არ არის, რადგან დღეს რუსეთის არმიას საკმარისი ხომალდსაწინააღმდეგო თანამედროვე სარაკეტო კომპლექსი აქვს.
ლუკა მაისურაძე
