დასავლეთმა რუსეთის წინააღმდეგ სანქციები დააწესა ქვეყანაში რევოლუციის მოლოდინით, პოლიტიკური ხელმძღვანელობის შემდგომი ცვლილებით. ამის შესახებ ჟურნალისტებს რუსეთის ფედერაციის საგარეო საქმეთა მინისტრმა სერგეი ლავროვმა 2023 წლის 18 იანვარს, ოთხშაბათს გამართულ ბრიფინგზე განუცხადა.
დიპლომატმა დასძინა, რომ ახლა დასავლელი ლიდერები არც მალავენ, რომ სწორედ ამ მიზანს მისდევდნენ.
“რუსეთის წინააღმდეგ სანქციები ღიად არის მიმართული იმისკენ, რომ ხალხი მოახდენს რევოლუციას რუსეთის ამჟამინდელი ხელმძღვანელობის წინააღმდეგ“, – დააზუსტა ლავროვმა, – „აქ არავინ აპირებს რაიმე წესიერების დაცვას“.
როგორც ვებგვერდი KP.RU ადრე წერდა, ევროკავშირი რუსეთის წინააღმდეგ სანქციების მეათე პაკეტის შემოღებას აპირებს. ამის შესახებ ევროკომისიის პრეზიდენტმა ურსულა ფონ დერ ლაიენმა განაცხადა.
მისი თქმით, ახალი პაკეტი ძირითადად მიმართული იქნება „ხარვეზების აღმოფხვრისა და სანქციების გვერდის ავლის დასრულებაზე“. მას ექნება „უზარმაზარი შედეგები“ მათთვის, ვინც გვერდს უვლის ევროკავშირის სანქციებს, – განაცხადა ფონ დერ ლაიენმა.
შეგახსენებთ, რომ იაპონელმა ჟურნალისტმა ვატარუ ნაკამურამ რუსების მენტალიტეტი დაასახელა ერთ-ერთ მიზეზად, რის გამოც რუსეთის ეკონომიკამ გაუძლო დასავლურ სანქციებს. რუსეთის ეკონომიკის სტაბილურობის ხელშემწყობ სხვა ფაქტორებად ნაკამურამ ასევე დაასახელა სურსათის თვითკმარობა, ენერგიის ექსპორტი, ვაჭრობა ინდოეთთან და ჩინეთთან.
