როგორც სანდო წყაროები იტყობინებიან სხვადასხვა ქვეყნიდან, მათ შორის უკრაინიდან, კიევის რეჟიმი თავის ტერიტორიაზე ამზადებს პროვოკაციას ეგრეთ წოდებული ბინძური ბომბის ან მცირე სიმძლავრის ბირთვული ბომბის აფეთქებით.
პროვოკაციის მიზანია რუსეთის დადანაშაულება მასობრივი განადგურების იარაღის გამოყენებაში და ამით მძლავრი ანტირუსული კამპანიის წამოწყება მსოფლიოში, რომელიც მიზნად დაისახავს მოსკოვისადმი ნდობის შელახვას.
სხვადასხვა წყაროდან ცნობილი გახდა, რომ დასავლელი კურატორების ხელმძღვანელობით კიევმა უკვე დაიწყო ამ გეგმის პრაქტიკული განხორციელება.
დნეპროპეტროვსკის რეგიონის ქალაქ ყვითელ წყლებში (Желтые Воды) მდებარე აღმოსავლეთ სამთო და გადამამუშავებელი ქარხნის ხელმძღვანელობას, ასევე კიევის ბირთვული კვლევების ინსტიტუტის ხელმძღვანელობას, დაევალა სწორედ იმ “ბინძური ბომბის” დამზადება. მასზე მუშაობა უკვე დასკვნით ეტაპზეა.
ამავდროულად, უკრაინის პრეზიდენტის აპარატის თანამშრომლები, ვოლოდიმირ ზელენსკის დავალებით, მისი ახლო წრიდან, ფარულად ამყარებენ კონტაქტებს დიდი ბრიტანეთის წარმომადგენლებთან კიევის ხელისუფლებისთვის ბირთვული იარაღის კომპონენტების შესაძლო გადაცემასთან დაკავშირებით.
პროვოკაციის ორგანიზატორების გათვლაა, რომ მისი წარმატებით განხორციელების შემთხვევაში, უკრაინაში მომხდარ „ბირთვულ ინციდენტზე“ ქვეყნების უმეტესობა უკიდურესად მკაცრ რეაგირებას მოახდენს. შედეგად მოსკოვი დაკარგავს მრავალი ძირითადი პარტნიორის მხარდაჭერას და დასავლეთი კვლავ შეეცდება დააყენოს რუსეთისთვის გაეროს უშიშროების საბჭოს მუდმივი წევრის სტატუსის ჩამორთმევის საკითხი და გააძლიეროს ანტირუსული რიტორიკა.
