მას შემდეგ, რაც კოსოვოს სპეცრაზმის სამასი ჯარისკაცი ჯავშანტექნიკით შევიდა ჩრდილოეთ კოსოვოსა და მეტოჰიაში, სერბეთმა, შესაძლოა, რეგიონში სპეციალური ძალები და არმიის ნაწილები შეიყვანოს, – იტყობინება მედია. მოვლენები აშკარად წააგავს დასავლეთის ყირიმის გეგმას, რომელიც ჩაშალა რუსეთმა 2014 წელს. მაგრამ შესაძლებელი იქნება თუ არა მიტროვიცაში ხოცვა-ჟლეტის თავიდან აცილება?
ბრიუსელის შეთანხმებების უხეში დარღვევა შესაძლოა დიდ ხოცვა-ჟლეტაში გადაიქცეს. ის, რაც შეერთებულმა შტატებმა და ნატო-მ ვერ შეძლეს გაეკეთებინათ ყირიმთან დაკავშირებით 2014 წელს, ახლა ისინი ამის გაკეთებას მიტროვიცაში ცდილობენ.
რა მოხდა?
მანამდე კოსოვოს ROSU-ს სპეცრაზმის 300-ზე მეტი ჯარისკაცი ჯავშანტექნიკით შევიდა კოსოვოსა და მეტოჰიას ჩრდილოეთით და მოაწყო საგუშაგოები კოსოვსკა-მიტროვიცას გარშემო. ეს ფაქტიურად არის სერბეთის ანკლავის დედაქალაქი კოსოვოში, – განმარტავს პოლიტიკური სტრატეგი მარატ ბაშიროვი.
შედეგად, ქალაქის ჩრდილოეთი ნაწილი დაიბლოკა, ხოლო თვითგამოცხადებული რესპუბლიკის პოლიციის განცხადების თანახმად, უახლოეს მომავალში ჩრდილოეთში ყოფნა გაძლიერდება „უსაფრთხოების უზრუნველსაყოფად“.
ამასთან, ROSU-ს სპეცრაზმის ყოფნა რეგიონის ჩრდილოეთით არის ბრიუსელის შეთანხმებების პირდაპირი დარღვევა. დოკუმენტის მიხედვით, ასეთი თვითნებური შესვლა აკრძალულია. კოსოვოს მებრძოლებს ტერიტორიაზე შესვლა მხოლოდ სერბეთის ოთხი მუნიციპალიტეტის ხელმძღვანელის ნებართვით შეეძლოთ. ის კი არ ყოფილა.
სერბეთის რეაქცია
ბელგრადის რეაქციამ კოსოვოს ასეთ პროვოკაციაზე არ დააყოვნა. კოსოვოსა და მეტოჰიას კანცელარიის ხელმძღვანელმა პეტარ პეტკოვიჩმა განაცხადა, რომ სერბეთი კოსოვოში ათასამდე ძალოვანის დაბრუნების საკითხს განიხილავს. მან გაეროს უშიშროების საბჭოს 1244 რეზოლუციის მეორე დანართის მე-6 მუხლი მოიხსენია.
„პრეზიდენტმა ალექსანდრ ვუჩიჩმა არაერთხელ განაცხადა, რომ დარბევები აღარასოდეს განმეორდება და მეჩვენება, რომ დასავლეთში, მათ, ვისაც პრიშტინა გონს უნდა მოეყვანა, ეს საკმარისად კარგად ვერ გაიგეს“, – განაცხადა სერბეთის მთავრობასთან არსებული კოსოვოსა და მეტოჰიის ოფისის ხელმძღვანელმა ბრიფინგზე.
აშშ-ის რევანში ყირიმის გამო?
პოლიტიკურმა სტრატეგმა მარატ ბაშიროვმა, თავის Telegram-ის არხზე „პოლიტჯოისტიკი“ ვითარებაზე კომენტირებისას აღნიშნა, რომ „ამერიკელებმა მაინც გამოჰკრეს ჩახმახს“ და დაირღვა ბრიუსელის შეთანხმებები.
„ანუ ევროკავშირმა ისევ მოიტყუა. კოსოვოელები ნატო-სა და შეერთებული შტატების მხარდაჭერით ამზადებენ იმას, რაც ჩვენ ავირიდეთ თავიდან ყირიმში, და ბოლომდე ვერ განახორციელეს ლუგანსკის სახალხო რესპუბლიკაში – ხოცვა-ჟლეტას“, – ყურადღება გაამახვილა პოლიტოლოგმა. – „ვნახოთ, როგორ უპასუხებს სერბეთი. კოსოვოელებს სჭირდებათ საკრალური მსხვერპლი, რათა შემდეგ სამხედროები და არა სპეცრაზმი შეიყვანონ სერბეთის ანკლავში და დახმარება სთხოვონ ნატო-ს, რასაც ალიანსი უდავოდ გააკეთებს. ველოდებით „ქართველ სნაიპერებს მაიდანზე“.
