იტალიელმა დიზაინერმა წყალქვეშა სახლის კონცეფცია შეიმუშავა. პროექტის სახელწოდებაა UFO2.0, რომელიც იშიფრება, როგორც ამოუცნობი მცურავი ობიექტი.
წყალქვეშა სახლი ორი სართულისგან შედგება, ზედა სართულზე განთავსებულია სამუშაო ზონა და ჯაკუზი, წყლის ქვეშ კი _ საძინებელი. ამასთანავე, ოთახს აქვს პანორამული ფანჯარა, რომელიც წყალქვეშა ბინადრების დათვალიერების შესაძლებლობას იძლევა. სახლში ასევე მოქმედებს წყალქვეშა ნავიგაციის სისტემა და მზის პანელები. მისი გადაადგილება კი ვერტმფრენითაა შესაძლებელი.
აღნიშულ კონცეფციაზე დიზაინერი რამდენიმე წლის განმავლობაში მუშაობდა. წყალქვეშა სახლის დასრულება 2021 წლისთვის იგეგმება, ამისთვის მილიონი დოლარია საჭირო.
