შვეიცარიის ალპებში, მთა ბრიუნიგის სიღრმეში, შვეიცარიული კომპანია გიგანტურ საცავს (სეიფს) ააშენებს მდიდრებისთვის. დიდძალი ფულის გადახდის შემდეგ აქ შეიძლება შეინახოთ ნებისმიერი ფასეულობა _ ბრილიანტებით დაწყებული, საკოლექციო ავტომობილებით დამთავრებული. ისინი საიმედოდ იქნება დაცული მთის სიღრმეში.
შვეიცარია ყოველთვის იყო მსოფლიო ბანკი _ ადგილი, სადაც მდიდრები ინახავენ თავინთ ქონებას, მაგრამ ახლა შვეიცარიელებს ახალ დონეზე აჰყავთ ბანკების უსაფრთხოება. ისინი მდიდრებს სთავაზობენ ქონების საიმედოდ შენახვას ალპებში. სეიფი-საცავი, რომლის გეგმაც ახლახან წარუდგინეს საზოგადოებას, განლაგდება ლიუცერნთან ახლოს, მთა ბრიუნიგის შიგნით. მსურველები ნახევარ მილიონ დოლარად მიიღებენ სეიფის გიგანტურ ნაკვეთურს, რომელშიც შეინახავენ ყველაფერს _ დოკუმენტებს, ძვირფასეულობას, ხელოვნების ნაწარმოებებსა და ავტომობილებსაც კი. გიგანტური სეიფის მშენებლობა, რომელიც 7,5 მლნ დაჯდება, 2021 წელს დაიწყება.