სლოვაკეთი ევროკავშირის მეორე ქვეყანაა, რომელმაც მოსახლეობის ვაქცინაციისთვის რუსული ვაქცინა “სპუტნიკის” გამოყენება დაიწყო.
ევროპის მედიკამენტების სააგენტოს რუსული ვაქცინის გამოყენების ნებართვა ჯერჯერობით არ გაუცია, მიუხედავად ამისა, სლოვაკეთმა ვაქცინა 26 მაისს დაამტკიცა.
ქვეყანას “სპუტნიკის” 200 ათასი დოზა აქვს. სლოვაკეთში მოსახლეობის ვაქცინაცია “ფაიზერის”, “ასტრაზენეკასა” და “მოდერნას” ვაქცინებით მიმდინარეობდა. სლოვაკეთის 5.4 მილიონი მცხოვრებიდან კოვიდ 19-ის საწინააღმდეგო ვაქცინების ერთი დოზა მაინც 1.8 მილიონზე მეტ ადამიანს აქვს მიღებული, სრულად ვაქცინირებული კი 950 000 მოქალაქეა.
ipn.ge
