დედაქალაქის ვიცემერის _ ირაკლი ხმალაძის თქმით, ნაკადების მართვის ჭკვიანი სისტემა მონაცემების შეგროვებასა და ამ მონაცემებზე დაყრდნობით ნაკადების მართვაზე სწორ გადაწყვეტილებას მიიღებს.
“შუქნიშნებზე დამონტაჟებული ჭკვიანი სისტემები დაითვლის დღისა თუ წლის მონაკვეთებში ნაკადების ფაქტობრივ მონაცემებს და, აქედან გამომდინარე, ელექტრონული პროგრამის საშუალებით მოხდება ოპტიმალური სქემების შემუშავება, თუ როგორ სჯობს დღის კონკრეტულ მონაკვეთში ნაკადების მართვა”, _ განაცხადა ირაკლი ხმალაძემ. ასევე, 2019 წლის პირველი ნახევრიდან თბილისში ზონალური და საათობრივი პარკინგის სისტემა შემოვა, რომელიც თავდაპირველად ცენტრალურ უბნებში დაწესდება.
