ინგლისში აქტივისტები ქალაქ ლესტერიდან მაჰათმა განდის ძეგლის აღებას მოითხოვენ. ინდოეთის ეროვნული მოძრაობის ლიდერის ძეგლის აღების მოთხოვნით ონლაინ პეტიცია გამოქვეყნდა, რომელზეც 5 000-მდე ხელმოწერაა.
პეტიციის თანახმად, განდი “ფაშისტი, რასისტი და სექსუალური მტაცებელი” იყო. ამ თემამ ადგილობრივ საზოგადოებაში აზრთა სხვადასხვაობა გამოიწვია. დიდ ბრიტანეთში, ანტირასისტული ტალღის ფონზე, ცნობილი გახდა, რომ რასიზმის ბრალდებების გამო ინგლისში სკაუტიზმის მოძრაობის დამაარსებლის, რობერტ ბადენ-პაუელის, ძეგლს აღებას უპირებენ, ლივერპულის უნივერსიტეტი კი ოთხგზის პრემიერმინისტრ უილიამ გლადსტონის სახელს დარბაზის დასახელებიდან ამოიღებს.