რუსეთის პრეზიდენტმა ვლადიმერ პუტინმა “ნორმანდიული ოთხეულის” სამიტის შემაჯამებელ პრესკონფერეციაზე განაცხადა, რომ 2019 წლის აგვისტოში ბერლინში მოკლული საქართველოს მოქალაქე მოსკოვის მეტროპოლიტენში მომხდარი აფეთქების ერთ–ერთი ორგანიზატორია. მისივე თქმით, ზელიმხან ხანგოშვილი აქტიურად მონაწილეობდა კავკასიაში მიმდინარე საომარ მოქმედებებში, “მხარს უჭერდა რა სეპარატისტებს”.
“ის ძალიან სასტიკი და პირსისხლიანი მეომარი იყო. არ ვიცი, რა დაემართა. ეს ბანდიტური გარემოა და შეიძლება ყველაფერი მოხდეს”, _ განაცხადა პუტინმა.
შეგახსენებთ, გერმანიამ ქვეყნიდან ორი რუსი დიპლომატი გააძევა რუსული სპეცსამსახურების ზელიმხან ხანგოშვილის მკვლელობასთან სავარაუდო კავშირის გამო. ხანგოშვილის მკვლელობა რუსეთისა და გერმანიის სახელმწიფო ლიდერებმა განიხილეს “ნორმანდიული ოთხეულის” სამიტის დასრულების შემდეგ.