19 ოქტომბერს გერმანული ჟურნალი “შპიგელი” დაიბეჭდა ყდით, რომელზეც შორს მიმავალი ამერიკული სამხედრო მანქანების ფონზე (კადრი სირიიდან) ეწერა “დასავლეთის კაპიტულაცია”.
შესაძლოა, ეს ჟურნალისტის მიერ გადაჭარბებული ნათქვამია, მაგრამ სირიიდან გასვლა ამერიკის არმიისა, რომლის ბაზებიც მყისვე დაიკავეს რუსმა სამხედროებმა, დასავლეთში სწორედ ასე აღიქმება. სამხედრო ბაზაზე მიგდებული ამერიკული დროშა პირდაპირი კაპიტულაცია არ არის, მაგრამ ასეთი სურათი მსოფლიოს არ ახსოვს ვიეტნამის ომის შემდეგ. ბოლო ათწლეულებში ყოველთვის პირიქით იყო _ როცა თვითკმაყოფილი ამერიკელი რეინჯერები შედიოდნენ ყოფილი სოციალისტური ბლოკის ქვეყნებში. სირიიდან გამოსვლის კვალდაკვალ დაიწყო საუბრები ერაყიდან და ავღანეთიდან ამერიკელების გასვლის შესახებ. როგორც ისტორია გვასწავლის, ასეთ მომენტებში იწყება ჯაჭვური რეაქცია და ერთ კაპიტულაციას მეორე მოჰყვება ხოლმე.
