გაერთიანებულ არაბულ საამიროებში ამერიკისა და დიდი ბრიტანეთის საელჩოებს მოსახლეობის მწვავე კრიტიკა დაატყდა თავს დიპლომატიური მისიების შენობებზე ლგბტ დროშების გამოფენის გამო.
აშშ-ისა და დიდი ბრიტანეთის დიპლომატიურმა წარმომადგენლობებმა გადაწყვიტეს, ლგბტ პირების დროშები გამოეფინათ შენობებზე. ეს პირველი შემთხვევაა, როცა საელჩოებმა არატრადიციული სექსუალური ორიენტაციის პირების სიმბოლო გამოფინეს რელიგიურ და კონსერვატიულ არაბულ მონარქიაში, სადაც ერთი და იმავე სქესის პირთა შორის ქორწინება კანონით აკრძალულია.
გაერთიანებული არაბული საამიროების ფინანსური დეპარტამენტის ყოფილი დირექტორის განცხადებით, ეს დიდი უპატივცემულობაა ბრიტანეთისა და აშშ-ის საელჩოების მხრიდან გაერთიანებული არაბული საამიროების სახელმწიფოსა და მისი ხალხის მიმართ: “როგორც ჩანს, იქ ზოგიერთი დიდი ბრიტანეთის იმპერიის დროშია ჩარჩენილი”.
new-front.info–ზე გამოქვეყნებული მასალის მიხედვით მოამზადა
ლუკა მაისურაძემ