11 ყველაზე მდიდარ ქვეყანას შორის ჯანმრთელობის დაცვის სისტემა ყველაზე ცუდია აშშ-ში. ეს მაშინ, როცა აშშ ჯანდაცვაზე ხარჯავს თავისი მშპ-ის ყველაზე დიდ ნაწილს. ამის თაობაზე Commonwealth Fund-ის კვლევაზე დაყრდნობით იუწყება The Washington Post-ი.
მკვლევარებმა ყველაზე შემოსავლიანი 11 ქვეყნის ჯანდაცვის სისტემები შეადარეს. ეს ქვეყნებია: ავსტრალია, კანადა, საფრანგეთი, გერმანია, ნიდერლანდები, ახალი ზელანდია, ნორვეგია, შვედეთი, შვეიცარია, დიდი ბრიტანეთი და აშშ. შეფასდა ეფექტიანობის 71 მაჩვენებელი, მათ შორის: ხელმისაწვდომობა, მომსახურება, ეფექტიანობა, სამართლიანობა და შედეგიანობა.
საერთო სარეიტინგო სიაში ბოლო ადგილი დაიკავა ამერიკის შეერთებულმა შტატებმა, მისი მაჩვენებლები გაცილებით დაბალი იყო სხვა ქვეყნების საშუალო მაჩვენებლებთან შედარებით.
regnum.ru–ზე გამოქვეყნებული მასალის მიხედვით მოამზადა
ლუკა მაისურაძემ