ნობელის კომიტეტმა ლიტერატურის დარგში პრემიის გამარჯვებული დაასახელა. 2021 წლის პრემიის ლაურეატობა აბდულრაზაკ გურნამ მოიპოვა, კულტურებისა და კონტინენტების მორევში კოლონიალიზმის შედეგებისა და ლტოლვილთა ბედის უკომპრომისო და თანაგრძნობით მხილებისთვის.
აბდულრაზაკ გურნა ტანზანიაში, ზანზიბარზე დაიბადა 1948 წელს. 1968 წელს საცხოვრებლად გადავიდა დიდ ბრიტანეთში, სადაც კენტის უნივერსიტეტში სადოქტორო ხარისხი დაიცვა. გურნა თანამედროვე პოსტკოლონიური მწერლების მოღვაწეობაზე კვლევების ავტორია.
