ბათუმის მერიის ინფორმაციით, მეორე მსოფლიო ომის ვეტერანებმა და ომში დაღუპულთა ოჯახებმა მერიისგან ერთჯერადი მატერიალური დახმარების სახით 400 ლარი მიიღეს.
როგორც “ინტერპრესნიუსს” მერიიდან აცნობეს, დღეისთვის ბათუმში მეორე მსოფლიო ომის 14 ვეტერანი და ომში დაღუპულთა 25 ოჯახი ცხოვრობს.
“9 მაისი ფაშიზმზე გამარჯვების დღეა. თარიღთან დაკავშირებით მეორე მსოფლიო ომის ვეტერანებმა და ომში დაღუპულთა ოჯახებმა მერიისგან ერთჯერადი მატერიალური დახმარების სახით 400 ლარი მიიღეს. ომის ვეტერანებს მერის მოადგილე ლელა სურმანიძემ სასურსათო კალათები გადასცა. დღეისთვის ბათუმში მეორე მსოფლიო ომის 14 ვეტერანი და ომში დაღუპულთა 25 ოჯახი ცხოვრობს”, – ნათქვამია ინფორმაციაში.
