აშშ–ში, საკუთარ სახლში მოკლული იპოვეს წარმოშობით ჩინელი პროფესორი, 37 წლის ბინ ლუ, რომელიც პიტსბურგის უნივერსიტეტში კორონავირუსის შესწავლით იყო დაკავებული. პროფესორის სავარაუდო მკვლელი ტრაგედიის ადგილიდან რამდენიმე მეტრში მკვდარი იპოვეს, _ იუწყება ჟურნალი People.
პროფესორის კოლეგებმა განაცხადეს, რომ “ბინ ლუ ძალიან ახლოს იყო მნიშვნელოვან აღმოჩენასთან, რომელიც ხსნის კორონავირუსით ინფიცირების უჯრედოვან მექანიზმს”.
მეცნიერის ცხედარი მის სახლში იპოვეს 2 მაისს. ის რამდენიმე ტყვიით იყო მოკლული.
“სიკვდილის გარემოებები იდუმალებითაა მოცული, ამიტომ პოლიცია ვარაუდობს, რომ ტრაგედია ინსცენირებულია”, _ წერს გამოცემა. მოგვიანებით ბინ ლუს სახლიდან რამდენიმე მეტრში მანქანაში მკვდარი იპოვეს მამაკაცი, რომელმაც, სავარაუდოდ, მოკლა პროფესორი.
გამოძიების ვერსიით ლუ მოკლა პირმა, რომელიც მას იცნობდა.