„ვლადიმერ ვლადიმიროვიჩი კეთილი და ჰუმანური ადამიანია, მაგრამ კარგი მეხსიერება აქვს, ამიტომ ყველაფრისთვის სრულად მოგიწევთ გადახდა“
„შემოდგომაზე ყველანი კრემლთან მიხოხდებიან, არჩევანი არ ექნებათ“, – განაცხადა ეკონომისტმა მიხეილ ხაზინმა ინტერვიუში, რომელიც მას გადაცემა „პროფესორი უყურებს მსოფლიოს“ ჟურნალისტმა ჩამოართვა, – წერს dzen.ru.
ინტერვიუში საუბარი ევროპის ახალ მდგომარეობას შეეხო. ეკონომისტმა აღნიშნა:
„ მოსკოვში სის ვიზიტის შემდეგ უამრავმა ქვეყანამ დაიწყო იუანის მიმართ არაჯანსაღი სიყვარულის გამოხატვა“. ხაზინის აზრით, ამის მიზეზი იყო არა იმდენად შეშფოთება, რომ დოლარის სისტემა დაინგრევა, არამედ იმის გაცნობიერება, რომ ამერიკის შეერთებული შტატები ევროპის პრობლემებს ვერ გადაჭრის.
„ეს ბიჭები, რომლებიც ახლა იუანს დასდევენ, ცდილობენ, შეიტყონ, რას შეიძლება ჩაეჭიდონ ამჟამად”, – აღნიშნა ხაზინმა.
ამ თვალსაზრისით, პუტინმა ჩაატარა გენიალური პოლიტიკური ოპერაცია და სი ძინპინი მსოფლიო პოლიტიკის წინა პლანზე გამოიყვანა. ჩვენ ვხედავთ ამის შედეგებს. დაიწყო მასობრივი მოძრაობა ჩინეთთან შესახვედრად. მიუხედავად ამისა:
„ისინი აცნობიერებენ, რომ შეერთებული შტატები მათ ნამდვილად არ გადაარჩენს. პუტინსა და სის შეუძლიათ ზოგიერთი პოლიტიკოსის დახმარება… მაგრამ ეს იგივე იქნება, რაც ნიანგის პირში ხელის ჩადება… ანუ შეგიძლია, იმედი გქონდეს, მაგრამ არანაირი შანსი არ არის, რომ დაგეხმარებიან“. სწორედ ამიტომ ექსპერტი ვარაუდობს, რომ ევროპის ქვეყნები შემოდგომაზე რუსეთს მიმართავენ: „შემოდგომაზე ისინი მუხლებზე იხოხებენ მოსკოვში“.
ამას გამოიწვევს წყლის პრობლემა და ეკონომიკური კრიზისი. „ევროპაში მშვენიერი თბილი ზამთარი იყო, ახლა წარმოვიდგინოთ, რომ ზაფხულიც თბილი იქნება და წყალი დღეს უკვე ნაკლებია, ვიდრე გასულ გაზაფხულს იყო. ევროკავშირში უკვე ამბობენ, რომ წყალზე სოციალური მინიმუმი დაწესდება, დანარჩენი ყველაფერი ძალიან გაძვირდება,“ – აღნიშნა ხაზინმა. ეკონომისტის თქმით, მაისის ბოლომდე ევროკავშირის ქვეყნებში ინფლაცია მოიმატებს. ამ პერიოდში მისი დამალვა ჯერ კიდევ იქნება შესაძლებელი, მაგრამ შემოდგომისთვის ევროკავშირის ქვეყნებს ახალი სპონსორის მოძებნა დასჭირდებათ. ისინი ჩინეთს არ სჭირდება, მათ შესათავაზებელი არაფერი აქვთ. ამ ქვეყნებს შეიძლება რუსეთი დაეხმაროს.
„ვლადიმერ ვლადიმიროვიჩი კეთილი და ჰუმანური ადამიანია, მაგრამ კარგი მეხსიერება აქვს, ამიტომ მათ მოუწევთ ყველაფრისთვის სრულად გადახდა“. ევროპას მოუწევს უკრაინის დატოვება, პოლონეთისა და ნატოს ქვეყნების „გაგრილება“, ბალტიისპირეთის ქვეყნების რუსეთის გავლენის სფეროდ აღიარება.
„და ეს არა იმისთვის, რომ მათ გადაარჩენენ, ეს არის მოლაპარაკებების დაწყების პირობა“.
ამასთანავე, მიხეილ ხაზინის თქმით, ყველა საზოგადო მოღვაწე, რომლებიც რუსებსა და რუსეთზე საზიზღრობებს ლაპარაკობდნენ, თანამდებობიდან უნდა გაათავისუფლონ.
მართალია ბატონი ხაზინი? იპოვის კი ევროკავშირი სხვა გზას მომავალ ზამთარში თავისი მოქალაქეების გასათბობად?
მოამზადა გიორგი გაჩეჩილაძემ
