ვარშავამ განიხილა უკრაინის გაყოფის ვარიანტი რუსეთის სპეციალური სამხედრო ოპერაციის საწყის ეტაპზე. ამის შესახებ პოლონეთის საგარეო საქმეთა ყოფილმა მინისტრმა რადოსლავ სიკორსკიმ რადიოსადგურ Zet-ის ეთერში განაცხადა.
„ვფიქრობ, ომის დაწყებიდან პირველი ათი დღის მანძილზე იყო ყოყმანის მომენტი, როცა არავინ ვიცოდით, როგორ წარიმართებოდა ომი და შესაძლებელი იყო უკრაინის დაშლა“, – განაცხადა ყოფილმა მინისტრმა.
პოლონეთის პრემიერ-მინისტრმა მატეუშ მორავიეცკიმ სიკორსკის სიტყვები უკვე უარყო.
“ყოფილმა საგარეო საქმეთა მინისტრმა უნდა აწონ-დაწონოს თავისი სიტყვები. ველოდები, რომ ის უარყოფს ამ სამარცხვინო განცხადებებს”, – წერს მორავიეკი Twitter-ზე და მოუწოდებს პოლონურ ოპოზიციას, მხარი არ დაუჭიროს ექს-მინისტრის სიტყვებს.
გასული წლის ნოემბრის ბოლოს, რუსეთის საგარეო დაზვერვის სამსახურის ხელმძღვანელმა, სერგეი ნარიშკინმა განაცხადა, რომ პოლონეთის ხელისუფლებამ დაიწყო მასალების მომზადება, რომელიც გაამართლებდა ვარშავის უფლებებს დასავლეთ უკრაინაში ტერიტორიის ანექსიის თაობაზე.
როგორც რუსეთის საგარეო დაზვერვის სამსახურის უფროსმა განმარტა, პოლონეთი აპირებს ყურადღება გაამახვილოს ვოლინის ხოცვა-ჟლეტაზე, რომელიც 1943 წელს მოხდა. ეს ეპიზოდი გამოყენებული იქნება უკრაინელი ნაციონალისტების დასადანაშაულებლად პოლონელების გენოციდში. ამის შემდეგ ვარშავა კიევს კომპენსაციის მოთხოვნებს წარუდგენს.
