ნატო-ს იარაღით მოლდოვას „უგუნური მომარაგება“ კატასტროფას აახლოებს, – განაცხადა რუსეთის საგარეო საქმეთა მინისტრის მოადგილემ მიხაილ გალუზინმა.
მისი თქმით, დასავლური იარაღით ქვეყნის „უგუნური მომარაგება“ არ უწყობს ხელს მის უსაფრთხოებას, არამედ „აახლოებს მას კატასტროფასთან“.
“უკრაინის სამწუხარო გამოცდილება მოლდოვის მიწიდან, ვფიქრობ, რომ ძალიან ნათლად ჩანს”, – გადმოსცემს მის სიტყვებს „რია ნოვოსტი“.
26 ოქტომბერს მოლდოვას ყოფილმა პრეზიდენტმა იგორ დოდონმა განაცხადა, რომ რესპუბლიკის ხელისუფლებას, საკონსტიტუციო სასამართლოს დახმარებით, ნებისმიერ დროს შეუძლია ქვეყანაში ნატო-ს ჯარების შემოყვანა.
ივლისში რუსეთის საგარეო საქმეთა სამინისტრომ გამოთქვა შეშფოთება მოლდოვას ნატო-სთან დაახლოების გამო.