ვლადიმერ ჩუბინიძე: რუსეთი ძლიერდება, ამას ყველა ხედავს, გარდა იმ ადამიანებისა, რომლებიც ოკეანისგაღმიდან იკვებებიან

იუსტიციის სამინისტროში ორგანიზაცია “რუსეთი ჩვენი მეზობელია” მომავალ საპარლამენტო არჩევნებში მონაწილეობის მისაღებად პარტიად არ დაარეგისტრირეს. ბუნებრივია, კავშირის დამფუძნებლებს გაუჩნდათ ეჭვი _ სიტყვა “რუსეთმა” ხომ არ შეაშფოთა იუსტიციის სამინისტრო? სატელევიზიო ეთერში ადამიანები ზოგჯერ საინტერესო, ზოგჯერ სასაცილო, უფრო ხშირად ისეთი ორგანიზაციის სახელით გამოდიან, რომ ბევრი აღშფოთებას ვერ მალავს. 

ერთ–ერთი ასეთი ორგანიზაციაა “ლგბტ საქართველო”. მას შემდეგ, რაც შევიტყეთ, რომ წულუკიანის უწყებამ “რუსეთი ჩვენი მეზობელია” პარტიად არ დაარეგისტრირა, გადავწყვიტეთ, გაგვერკვია, ნამდვილად არსებობდა “ლგბტ საქართველო” თუ რომელიმე ლგბტ–პირმა მიაწერინა ტიტრებში ეს სახელწოდება. აღმოჩნდა, რომ ეს ორგანიზაცია ოფიციალურად არსებობს და წესდებაც აქვს. “ასოციაცია “ლგბტ საქართველო” არასამთავრობო ორგანიზაციაა, რომელიც ლგბტ–თემის (ლესბოსელი, გეი, ბისექსუალი, ტრანსსექსუალი) უფლებების დაცვაზე მუშაობს”, _ ეს ამონარიდია ოფიციალური დოკუმენტიდან. დემოკრატიულ ქვეყანაში, სადაც საკუთარი აზრის გამოხატვის უფლება ყველაზე მნიშვნელოვანია, ქვეყანაში, სადაც ზოგი “შარლი ებდოა” და ზოგი _ ლგბტ, რატომ არ დაარეგისტრირეს პარტია “რუსეთი ჩვენი მეზობელია”? _ ამ და სხვა მნიშვნელოვან თემებზე საქართველოს სახალხო–პატრიოტული კავშირის “რუსეთი ჩვენი მეზობელია” პოლიტიკურ მდივანს _ ვლადიმერ ჩუბინიძეს ვესაუბრეთ.

_ ჩვენ, ვეტერანმა მესაზღვრეებმა, თანამოაზრეებთან ერთად, ორი წლის წინათ გადავწყიტეთ, დაგვეარსებინა არასამთავრობო ორგანიზაცია “საქართველოს სახალხო-პატრიოტული კავშირი _ რუსეთი ჩვენი მეზობელია” და გასული წლის 16 ივნისს იუსტიციის სამინისტროს საჯარო რეესტრის ეროვნულ სააგენტოში უპრობლემოდ დავარეგისტრირეთ, რაც, ალბათ, იმან განაპირობა, რომ იმხანად ხალხის უმრავლესობას ეშინოდა რუსეთის მიმართ პოზიტიური აზრის გამოთქმის. ამ მხრივ, ჩვენი მთავრობა და დასავლელი “სტრატეგიული პარტნიორები” და “მეგობრები” საფრთხეს ვერ ხედავდნენ, ამიტომ ჯერ ბრძანება გაცემული არ იყო შესაბამისი სამსახურებისთვის, რომ არ დაერეგისტრირებინათ და ლეგიტიმაცია არ მიეცათ საზოგადოებრივი ორგანიზაციებისა და პარტიებისათვის, რომლებსაც რუსეთთან ურთიერთობის რეგულირება სურდათ.

ჩვენი კავშირის რეგისტრაციას მოსახლეობის გარკვეული ნაწილი სიხარულით შეხვდა, ხოლო ჩვენი ქვეყნის ზემოხსენებული “მესვეურები”, როგორც ჩანს, ამ ფაქტმა საგონებელში ჩააგდო და დაუყოვნებლივ დაიწყეს კონტრღონისძიებების გატარება. კერძოდ, დაუყოვნებლივ მისცეს მითითება შესაბამის სამსახურებს, არც ერთი პარტია ე.წ. პრორუსული მიმართულებისა არ დაერეგისტრირებინათ გარდა ისეთებისა, რომლებიც მათ პრობლემებს არ შეუქმნიდნენ. ყველაფერი გასაგები რომ იყოს, აგიხსნით იმასაც, რა შედეგი მოჰყვა ჩვენი “კავშირის” რეგისტრაციას.

“კავშირის” ოფიციალურად დარეგისტრირებისთანავე გამოვედით პრესით, ტელევიზიით, და გამოვეცით საკუთარი გაზეთი “რუსეთი ჩვენი მეზობელია” _ ორი ნომერი. მოსახლეობას თამამად დავუსახელეთ ნამდვილი მტრისა და ჩვენი ქვეყნის დამმონებელთა სახელები _ აშშ, ნატო და ე.წ. დემოკრატიული ევროპა, ხოლო მეგობრად, საიმედო დასაყრდენად, მხსნელადაც კი რუსეთი დავასახელეთ და სათანადო არგუმენტებიც მოვიყვანეთ. მაგრამ, მიუხედავად იმისა, რომ სამჯერ ჩავატარეთ პარტიის დამფუძნებელი ყრილობა კანონიერი წესების დაცვით და კანონითვე მოთხოვნილი შესაბამისი საბუთებიც სამჯერ ზედმიწევნით სწორად და სრულად წარვადგინეთ, არ დაგვარეგისტრირეს. ჩვენი ყველა მცდელობა უშედეგო აღმოჩნდა.

ხალხის დასაბნევად და ელექტორატის დასაქუცმაცებლად კი შექმნეს და უმალ დაარეგისტრირეს კიდეც უამრავი სატელიტი ე. წ. პატრიოტული თუ პრორუსული პარტია, რადგან ერთ წელიწადში მსოფლიოში პოლიტიკური სიტუაცია ისე შეიცვალა, რომ ყველა მიხვდა აშშ–ის, ნატოს, ევროკავშირის ხელისუფალთა მზაკვრობასა და რუსეთის კეთილმოსურნე დამოკიდებულებას ჩაგრული ხალხების მიმართ. ამასთანავე, რუსეთის ფედერაციის პრეზიდენტმა ვლადიმერ პუტინმა სამართლიანი პოლიტიკის გატარებითა და სამხედრო ძლიერების დემონსტრირებით შეძლო მრავალი ქვეყნის კეთილგანწყობა მოეპოვებინა, ევროკავშირმა კი დაშლა დაიწყო…

მსოფლიოში მიმდინარე პროცესების ფონზე, ლოგიკური იქნებოდა, ჩვენი მთავრობა გონს მოსულიყო, უარი ეთქვა დასავლელი “კეთილისმსურველებისთვის” და რუსეთისკენ შებრუნებულიყო, მაგრამ საქმე ის არის, რომ გადამთიელების მიერ დაკომპლექტებული ჩვენი ქვეყნის მთავრობა იძულებულია, ისევ პროდასავლური კურსის გამარჯვებისთვის იბრძოლოს, სხვანაირად ესენიც და იმ მთავრობების წარმომადგენლებიც, რომლებიც საქართველოს მართავდნენ ე. წ. დამოუკიდებლობის მოპოვების დღიდან სამართლიანი სასჯელისგან თავს ვერ დაიხსნიან, რადგან დამნაშავეები არიან ქვეყნისა და ხალხის წინაშე.

30 ვერცხლად სამშობლოს გამყიდველო იუდებო, შეიძლება ჯერ ვერ ხვდებოდეთ, მაგრამ თქვენი დაუსჯელად პარპაშის დრო უკვე დასრულებულია და გირჩევნიათ, ყულფები გაიმზადოთ, რადგან ქართველთა უმრავლესობამ გამოიღვიძა და სასტიკი შურისძიებაც აღარ დააყოვნებს, რადგან ხალხი უკვე კარგად არჩევს მტერსა და მოყვარეს.

საქართველოს მოსახლეობას კარგად ესმის, რომ რუსეთის გარეშე ჩვენ, მსოფლიოს ხალხთა უმრავლესობასთან ერთად, განწირული ვართ დასაღუპავად და ამ ხიფათისგან დახსნის ერთადერთი გზა მხოლოდ რუსეთთან ურთიერთობის მოგვარებაშია. რუსეთი ერთადერთი ქვეყანაა, რომელიც დღეს წარმატებით ებრძვის მსოფლიოში გაბატონებულ ბოროტებას.

რუსეთი ძლერდება, ამას ყველა ხედავს, გარდა იმ ადამიანებისა, რომლებიც ოკიანისგაღმიდან იკვებებიან.

_ ბატონო ვლადიმერ, თქვენ, ეტყობა, არ იცოდით, რომ ჩვენს ქვეყანაში არსებობს არასამთავრობო ორგანიზაცია სახელწოდებით _ ლგბტ საქართველო, თორემ ნამდვილად არ აპატიებდით იუსტიციის სამინისტროს ასეთ არასამართლიან გადაწყვეტილებას…

_ არა, ასეთი რამ არ ვიცოდით. ყოვლად წარმოუდგენელ რამეს მეუბნებით, ნუთუ ეს გაბედეს? თუ ქვეყანაში დემოკრატიაა და ყველას აქვს უფლება, დაირქვას ის, რაც სურს, მათ შორის, “ლგბტ საქართველო” და დარეგისტრირდეს კიდეც, ჩვენ რატომ გვითხრეს უარი? ალბათ, მართლაც დიდი საშიშროების წინაშე დგას ხელისუფლება, რომ ქართველი ხალხი რუსეთისკენ არ დაირაზმოს.

გამოდის, ჩვენს ქვეყანაში დემოკრატია ვიღაცაზე ვრცელდება და ვიღაცაზე _ არა. საშინელებაა, რომ ისეთ ორგანიზაციებს უწყობენ ხელს, რომლებიც ჩვენს წარსულს, სულიერებას, ისტორიას ანადგურებენ და ქვეყანას ბილწავენ.

ქვეყანაში სპეციალურად არის შექმნილი ხელისუფლების სატელიტი პარტიები, რათა მეზობელ ქვეყანასთან ურთიერთობის აღდგენის მსურველთა ხმები დაიყოს, დაიქსაქსოს… დიახ, ხალხი ხმას მისცემს იმ პარტიებს, რომლებიც ამბობენ, რომ ჩვენი ხსნა რუსეთშია, მაგრამ სანდოები არიან და, გულის სიღმეში მართლა ასე ფიქრობენ თუ არა, მხოლოდ მაშინ შევიტყობთ, თუ გაერთაინდებიან და ერთობლივი ძალებით შეუტევენ პროდასავლელებსა და პროამერიკელებს.

ესაუბრა

ეკა ნასყიდაშვილი