რუსეთთან ურთიერთობის საკითხებში საქართველოს პრემიერმინისტრის სპეციალურ წარმომადგენელს _ ზურაბ აბაშიძეს მიაჩნია, რომ პრაღის ფორმატზე უარის თქმა, მოგვარების ნაცვლად, პრობლემებს გაზრდის.
“დიალოგზე უარის თქმა ვერანაირ პრობლემას ვერ მოაგვარებს, პირიქით _ გაზრდის პრობლემების რაოდენობას, მასშტაბებს და ეს ჩვენს ქვეყანაზე და ყველა ჩვენგანზე მტკივნეულად აისახება”, _ განაცხადა აბაშიძემ.
რუსეთის საგარეო საქმეთა მინისტრის მოადგილის, გრიგორი კარასინის, მიერ პრაღაში გაკეთებული განცხადებების შემდეგ საქართველოს საპარლამენტო უმრავლესობის ზოგიერთმა წევრმა აბაშიძე-კარასინის ფორმატის შეცვლის შესაძლებლობა არ გამორიცხა.
