თურქეთში 1 ნოემბერს ჩატარებულ რიგგარეშე საპარლამენტო არჩევნებში მმართველმა “სამართლიანობისა და განვითარების პარტიამ” გაიმარჯვა. ბიულეტენების 99%-ის დათვლის შემდეგ გაირკვა, რომ პრეზიდენტ რეჯეფ ტაიფ ერდოღანის გუნდს არჩევნებში მონაწილეთა 49,4 %-მა მისცა ხმა, რაც პარტიას საშუალებას აძლევს, ახალი მთავრობა დამოუკიდებლად ჩამოაყალიბოს.
ბოლო 5 თვის განმავლობაში თურქეთში საპარლამენტო არჩევნები მეორედ ჩატარდა. 7 ივნისს ჩატარებულ არჩეევნებზე „სამართლიანობისა და განვითარების პარტიამ” პარლამენტში უმრავლესობა ვერ მოიპოვა და კოალიციური მთავრობა ვერ შექმნა.
