ჩემს ერთ–ერთ წერილში (“ქათამი ხარ _ ფულს მიიღებ თუ არადა _ სამი თითის კომბინაციას”) ევროკავშირის მიერ მიღებულ კანონზე (რომლის მიხედვით ევროკავშირის ის ქვეყნები, რომლებიც უარს იტყვიან ლგბტ დიქტატის შესრულებაზე, დაისჯებიან) დაყრდნობით, ეს მერამდენედ შევეცადე, ქართველი საზოგადოებისთვის დამენახვებინა, რომ დასავლეთიდან საქართველოში, ძირითადად, მხოლოდ გარყვნილება–გათახსირების “ინვესტიციები” შემოედინება, მაგრამ, როგორც იტყვიან, თურმე ჯერ სად ხარ?..
ამას წინათ ერთ-ერთ ქართულ ტელეარხზე რუსი დოკუმენტალისტის, არკადი მამონტოვის, მიერ გადაღებულ შემაძრწუნებელი შინაარსის ფილმს (“სოდომი”) ვუყურე და, თმები რომ მქონოდა, ყალყზე დამიდგებოდა, მაგრამ აღვირახსნილი რუსოფობიით მოცულ საქართველოში ხომ რაკი “რუსმა თქვა”, ე.ი., აპრიორი სიცრუეა, “რუსეთმა გააკეთა?” _ ე.ი., აპრიორი ცუდია.
ეს რომ ასეა, ამას მოწმობს რუსი სამშვიდობოების მიერ ყარაბაღში სისხლისღვრის შეწყვეტის დაწუნება დასავლეთის მიერ და იმავე დასავლეთის მიერ კოვიდ-19-ის საწინააღმდეგო რუსული წარმოების ვაქცინის საწამლავად მონათვლა. არადა, ამ “საწამლავით” რუსეთში უკვე დაიწყო ყველაზე მაღალი რისკ-ჯგუფის წარმომადგენლებისა და სამედიცინო პერსონალის ვაქცინაცია, 14 დეკემბრიდან კი _ მოსახლეობის ნებაყოფლობითი (!) საყოველთაო უფასო ვაქცინაცია.
ერთი შეხედვით, რომ იტყვიან, თითქოს “კალამი გამექცა”, მაგრამ არა, რადგან ის, რაზეც ქვემოთ გვექნება საუბარი, კორონავირუსზე არანაკლებ კი არა, შეიძლება მეტად საშიშიც იყოს კაცობრიობისთვის _ კოვიდ-19-ის პანდემიას, ადრე თუ გვიან, დაამარცხებს (რუსული ვაქცინით იქნება ეს თუ ბანანის ქვეყნის მიერ წარმოებულით) კაცობრიობა, მაგრამ, თუ მსოფლიოში ტოტალური ლგბტ–ზაცია განხორციელდება, კულტურული საზოგადოება, როგორც ასეთი, პირისაგან მიწისა აღიგვება, რადგან ამ “დაავადების” საწინააღმდეგო ვაქცინა არ არსებობს, გარდა ერთისა _ ეს არის საყოველთაო სოდომ–გომორის გამო ღვთის მიერ ადამის მოდგმის განადგურება.
ზემოხსენებული დოკუმენტური ფილმიც სწორედ სოდომისა და გომორას შეხსენებით იწყება _ ე.წ. მკვდარი ზღვის კადრებით, რომლის ადგილზეც, ბიბლიური გადმოცემით, დაახლოებით 4 ათასი წლის წინათ მდებარეობდა ეს ორი უმდიდრესი და, ამასთანავე, უგარყვნილესი ქალაქი. იქ ცოდვილებთან ერთად ბიბლიური მართალი ლოტიც ცხოვრობდა თავის ოჯახთან ერთად, მათ მამა ღმერთმა ქალაქის დატოვება უბრძანა. რის შემდეგაც ცეცხლის გეენა დაატეხა თავს სოდომ-გომორელ მამათმავლებსა და ლესბოსელებს. ამ ქალაქების ადგილას უფალმა მკვდარი ზღვა გააჩინა. მკვდარი იმიტომ, რომ იმ ზღვაში, თევზი კი არა, უმარტივესი სიცოცხლეც არ არსებობს. ევროპაში ბიწიერების კულტივაცია ცნებების აღრევამ გამოიწვია და ეს პროცესი მეორე მსოფლიო ომის წინა პერიოდში დაიწყო. პროცესი, რომელშიც როკფელერების გვარი ფიგურირებს. მას შემდეგ ბევრმა წყალმა ჩაიარა და ლგბტ-ის სიმძიმის ცენტრმა (თუ ასე თქმა უპრიანია) ევროპიდან ამერიკაში გადაინაცვლა. ლგბტ თემმა თავის დასამკვიდრებლად ყველაზე ნოყიერი ნიადაგი აშშ–ის აღმოსავლეთში _ ნიუ–იორკში და განსაკუთრებით დასავლეთში _ წყნარი ოკეანის სანაპიროზე იპოვა. სწორედ კალიფორნიაა (ჰოლივუდი და ლოს–ანჯელესი) ლგბტ თემის “დედაქალაქი” და აშშ–ისა და ე.წ. ლიბერალური მსოფლიოს გარყვნილება–გათახსირების სამოთხე.
ზემოხსენებულ ფილმში მაყურებელს მეგზურობას, გნებავთ, გიდობას აშშ-ის მოქალაქე და ლგბტ-თა დაუძინებელი მტერი უწევს… აშშ-ის ლგბტ თემს თურმე გარეკანზე ლგბტ ფერების ჯვრით დამშვენებული საკუთარი ანტიბიბლიაც გამოუციათ, რომელშიც, მაგალითად, ძველი აღთქმის ერთ-ერთი მთავარი შეგონება: “ვინც მამაკაცთან დაწვება ისე, როგორც ქალთან წვებიან, სიბილწეს ჩაიდენენ ორივენი” (ლევ. 19) თავდაყირაა განმარტებული და ასეა მთელი ბიბლია.
ფილმში ლგბტ-ის მეშვეობით კულტურის დაცემა-გათახსირებისკენ მიმავალი გზა ხუთ ეტაპადაა ჩამოყალიბებული:
1.ტოლერანტობა, ანუ უფლება, ყველამ თავი დაგანებოს;
2.ლგბტ–ის მიღება–თანასწორუფლებიანობა;
3.აღიარება, ანუ არამხოლოდ მიღება, არამედ მამათმავალთა ღირებულებების წინ წამოწევა;
4.ძალდატანებითი თანამონაწილეობა, ანუ ყველას მონაწილეობა ე.წ. გეი–კულტურაში.
5.ამ გათახსირება–გარყვნილების მოწინააღმდეგეთა დასჯა. მათ, ვინც გარყვნილებას აპროტესტებს, ლგბტ–ებმა შეიძლება, სახლებშიც მიაკითხონ და…
ერთ ამერიკელ ქალბატონს ყვავილებით ვაჭრობის ბიზნესი მხოლოდ იმისთვის წაართვეს, რომ ამ ქალბატონმა უარი უთხრა ჰომოსექსუალ წყვილებს საქორწინო ცერემონიის ყვავილებით შემკობაზე. და, საერთოდაც, “განათლებულ” აშშ–ევროკავშირის ქვეყნებში, კარგა ხანია, ლგბტ თემის კრიტიკა დანაშაულად ითვლება, ამის გამო “ენაგრძელებმა” შეიძლება სამსახური დაკარგონ, ამიტომ ნორმალური ადამიანები, რომლებიც გაცილებით მეტნი არიან გარყვნილების მიმდევრებზე, ზედმეტ ლაი–ლაის დუმილს ამჯობინებენ.
ფილმში ნათქვამია, რომ რუსეთი და მთელი პოსტსაბჭოთა სივრცე მის მიერ ზემოთ ხსენებულ 5 საფეხურზე ჯერჯერობით უმდაბლეს პირველ საფეხურს იკავებს და ამიტომ ეს ქვეყნები ტოლერანტობას პრობლემად არ თვლიან, მაგრამ პრობლემა არსებობს და, თუ ძირშივე არ ამოიძირკვა (როგორც ეს რუსეთმა გააკეთა საკანონმდებლო დონეზე _ რუსეთის სათათბირომ არასრულწლოვანთა შორის გეიპროპაგანდა აკრძალა), რომ ვერც კი ვიგრძნობთ, ისე გადავინაცვლებთ პირველიდან მეხუთე (უკვე უსაშველო) საფეხურზე, რომელზეც იმყოფება დასავლეთის ე.წ. ლიბერასტული ქვეყნები. ამიტომაც სძულთ რუსეთი დასავლელ ნეოლიბერალებს _ ხუმრობა საქმეა, მიუხედავად აურაცხელი დოლარის დახარჯვისა, სანამ რუსეთის მართლმადიდებელი ეკლესია და ბირთვულ “დუბინკიანი” რუსეთი არსებობს, დედამიწის 1/6-ზე ლგბტ თემი ვერ გაიჯეჯილებს.
ფილმში ნაჩვენებია რამდენიმე ოფისი, რომლებსაც უწყინარი წარწერა აქვს “ადამიანის უფლებების დაცვა”, თუმცა სინამდვილეში “უფლებებში” მხოლოდ გეების უფლებებს გულისხმობენ და ასეთი ოფისები მსოფლიოში ათასობითაა. სწორედ ამ ორგანიზაციების დამსახურებით დონალდ ტრამპს არჩევნები ისე გაუყალბეს, რომ ჩვენში ამ საქმის დიდოსტატ ნაცებსაც შეშურდებოდათ. ოფიციალური მონაცემებით, აშშ–ევროპის მოსახლეობის დაახლოებით 10 % ლგბტ თემის წარმომადგენელია ან მათი მხარდამჭერი. დღეს მსოფლიოში 2 მილიონი ბავშვი იზრდება ერთნაირსქესიანი “მშობლების” ოჯახებში და, როგორც წესი, გეიწყვილებს ბიჭები ჰყავთ ნაშვილები, ხოლო ლესბოსელებს _ გოგონები. რატომ? ახალ ზელანდიაში რუსეთიდან გეების მიერ ნაშვილებ ბიჭუნას “მამა 1” და “მამა 2” რეგულარულად აუპატიურებდნენ და შემდეგ ამავე მიზნით 8 სხვა მამაკაცს მიაქირავეს. ერთი და იმავე სქესის წყვილები ხშირად, როგორც წესი, პედოფილები არიან. რუსი ბიჭუნას საქმე როგორღაც გასკდა და სასამართლომ მის “მშობლებს”ერთს _ 30 წლით, ხოლო მეორეს 40 წლით აღუკვეთა თავისუფლება, მაგრამ ვინმემ მოიკითხა ზემოხსენებული 2 მილიონი ბავშვი რა დღეში ჰყავთ მათ “მოსიყვარულე” დანომრილ “დედ-მამებს”? კი, როგორ არა, კითხულობენ…
აი, პრეზიდენტ ბარაკ ობამას სატელეფონო მილოცვა ერთი და იმავე სქესის ერთ-ერთი წყვილისთვის: “ჩვენ ვამაყობთ თქვენით, ბიჭებო, თქვენი თავგანწირვა დაეხმარა უამრავ ადამიანს მსოფლიოში. კარგი დრო გაგეტარებინოთ”.
და კიდევ _ 2011 წელს ადამიანის უფლებათა დღეს ჰილარი კლინტონმა განაცხადა: “ეს შესანიშნავია, რომ ლგბტ პირთა უფლებები წინ უნდა იყოს წამოწეული. დღეს მსოფლიოში მოდური ლოზუნგია ლგბტ უფლებების დაცვა. სწორედ ეს არის ადამიანის ნამდვილი უფლებები”. კი მაგრამ, რატომ იბღალება ნორმალური ადამიანების უფლებები სექსუმცირესობების უფლებების დაცვის ხარჯზე?
აი, კიდევ ერთი ნიშანდობლივი დოკუმენტი:
“თეთრი სახლის პრესმდივნის ოფისი გადაუდებლად განსახილველად მიიჩნევს 2011 წლის 6 დეკემბერს ლგბტ უფლებების დაცვის დღედ გამოცხადებას და მსოფლიოში მათი დისკრიმინაციის წინააღმდეგ საერთაშორისო ორგანიზაციების ჩართვას”.
თუმცა აქ არ არის ლაპარაკი აშშ-ის მარიონეტის, მიხეილ სააკაშვილის მიერ მამაკაცთა გაუპატიურებისა და 330 ათასი ადამიანის პატიმრობის შესახებ მისი სისხლიანი მმართველობის 9 წლის განმავლობაში…
დავით მხეიძე
P.S. ჯო ბაიდენმა უკვე დაიწყო თავისი გუნდის ფორმირება ლოზუნგით: რაც შეიძლება ბევრი ლგბტ მთავრობაში! მოკლედ, აშშ–ის ლესბოსელებს, გეებს, ბისექსუალებსა და ტრანსგენდერებს ჯო ბაიდენის სახით თავიანთი პრეზიდენტი ჰყავთ, მაგრამ ნურც ის დაგვავიწყდება, რომ, მიუხედავად არჩევნების ტოტალური გაყალბებისა, დონალდ ტრამპს 70 მილიონზე მეტმა, ამომრჩეველთა თითქმის ნახევარმა მისცა ხმა! ამომრჩეველმა, რომელიც ე.წ. ტრადიციულ ამერიკაში ცხოვრობს. აქედან გამომდინარე, კითხვა მიჩნდება _ რას იზამს ტრადიციული ამერიკა: ძველებურად გააგრძელებს ბილიარდის ბურთების გორებას და პატარა ქალაქებში არხეინად ლუდის ყლურწვას თუ კოვბოების ამერიკას გაიხსენებს და არ შეეგუება ლგბტ ჰომოსექსუალების გაჯეჯილებას?
