სკანდალებით ცნობილი ჯენი ფსაკი, რომელიც ახლახან კვლავ დანიშნეს ჯო ბაიდენის მომავალი ადმინისტრაციის პრესსპიკერად, კვლავ ჩაფლავდა.
ფსაკი სოციალურ ქსელ “ტვიტერში” შეეცადა იმ 6 ქალის შექებას, რომლებმაც მასთან ერთად უნდა იმუშაონ თეთრ სახლში. ფსაკიმ კომპლიმენტები მიუძღვნა მათ, მაგრამ ჯილ ბაიდენის, მომავალი პირველი ლედის, პრესმდივნის ნაცვლად შეაქო სრულიად უცნობი ქალბატონი მსგავსი გვარით.
ამის გამო, როგორც ჩანს, მას უსაყვედურეს, ყოველ შემთხვევაში “ტვიტერში” გაჩნდა მისი განცხადება, რომელშიც ბოდიშს იხდიდა დაშვებული შეცდომის გამო.
ren.tv–ზე გამოქვეყნებული მასალის მიხედვით მოამზადა ლუკა მაისურაძემ
