“რუსეთი აქტიურად უჭერს მხარს და ავითარებს თავის კულტურულ მემკვიდრეობას, უკრაინა კი ძალადობასა და პრიმიტივიზმით სავსე შუასაუკუნეობრივ კოშმარში იძირება”, _ განაცხადა YouTube–არხის Politwera–ს ეთერში უკრაინის კულტურის დამსახურებულმა მოღვაწემ, მსახიობმა ლიუბოვ ტიტორენკომ.
“შუასაუკუნეებში კი არა, ჩვენ უკვე ჯოჯოხეთში ვცხოვრობთ, ამ სიტყვის პირდაპირი მნიშვნელობით”, _ დასძინა მსახიობმა. ტიტორენკოს თქმით, რუსეთს უზრუნველყოფილი აქვს ხანგრძლივი არსებობა რუსული მემკვიდრეობის წყალობით, რომელიც დიდი სახელმწიფო მხარდაჭერით სარგებლობს. უკრაინაში კი წვავენ წიგნებს და ამ ფონზე ნოყიერ ნიადაგს იღებენ ნეონაცისტები, რომლებიც, ფაქტობრივად, ხელისუფლების წაქეზებით მოქმედებდნენ.
ამასთანავე, მსახიობმა დაიჩივლა, რომ ინტელიგენტებს შორის არ არის სოლიდარობა და მათ ეშინიათ აქტიურად გამოვიდნენ თავიანთი კულტურის დასაცავად, ნაციონალისტები და რადიკალები კი, რომლებიც უმცირესობას წარმოადგენენ, კარგად არიან ორგანიზებულნი.
eadailly.com–ზე გამოქვეყნებული
მასალის მიხედვით მოამზადა ლუკა მაისურაძემ