სლოვენიის ქალაქ სევნიცასთან ახლოს მელანია ტრამპის ბრინჯაოს ქანდაკება გახსნეს. ის დადგეს აშშ–ის პირველი ლედის ხის სტატუის ნაცვლად, რომელიც უცნობმა პირებმა ივლისში დაწვეს.
მელანიას სტატუა არის სიმბოლო მიგრანტებისა, ქალისა, რომელიც მიგრაციის მოწინააღმდეგე პრეზიდენტის ცოლია.
ახალი სკულპტურის ავტორია ამერიკელი მხატვარი ბრედ დაუნი. ბრინჯაოს სტატუა ასლია ხის ქანდაკებისა, რომელიც უცნობმა პირებმა 4 ივლისს დაწვეს. სკულპტურა მელანია ტრამპს გამოსახავდა იმ ცისფერ კაბაში, რომელიც მას ეცვა დონალდ ტრამპის ინაუგურაციაზე 2014 წლის იანვარში.
1970 წელს დაბადებული მელანია ტრამპი სლოვენიის ქალაქ სევნიცაში გაიზარდა, 1996 წელს ნიუ-იორკში გადასახლდა. ორი წლის შემდეგ კი დონალდ ტრამპი გაიცნო. წყვილმა 2005 წელს იქორწინა.
