გერმანიის სოციალ–დემოკრატიულმა პარტიამ (გსდპ) საბოლოოდ შეათანხმა კოალიციის შექმნის შესახებ ხელშეკრულება პარტიებთან “კავშირი 90/მწვანეები” და თავისუფალი დემოკრატიული პარტია, _ იუწყება გერმანული გამოცემა Die Welt–ი. ამით გაირკვა ქვეყნის ახალი კანცლერის ვინაობა. ეს იქნება გსდპ–ის ხელმძღვანელი ოლაფ შოლცი.
კანცლერად ოლაფ შოლცის არჩევის პროცედურა 8 დეკემბრამდე უნდა ჩატარდეს.
კოალიციური ხელშეკრულების მიხედვით, გფრ-ის მთავრობამ უარი უნდა თქვას ახალი გადასახადების დაწესებაზე, 2030 წლიდან აღარ გამოიყენოს ქვანახშირი, განახორციელოს მრეწველობის მოდერნიზაცია და გადაჭრას საცხოვრებლისა და ბავშვთა სიღარიბის პრობლემები.
გერმანიაში საპარლამენტო არჩევნები 26 სექტემბერს ჩატარდა. გაიმარჯვა გსდპ-მ, რომელმაც ამომრჩეველთა ხმების 25,7 პროცენტი მოაგროვა.
lenta.ru–ზე გამოქვეყნებული მასალის მიხედვით მოამზადა გიორგი გაჩეჩილაძემ